د ترکیې د ورځپاڼو سرټکي

د صباح ورځپاڼې « هیچا ته به اجازه ورنکړو چې د ناټو په سازمان کې د ترکیې د موقف او غړیتوب مسئله وڅیړي »  د سرلیک لاندې لیکلي دي، ترکیې ویلي دي چې  د روسیې نه د اس ۴۰۰ دفاعي توغندیو  د رانیولو تصمیم  هیڅکوم هیواد پر خلاف نیول شوی  تصمیم  ندی. د ترکیې د ولسمشرۍ ماڼۍ ویاند  ابراهیم قالن پدې اړه وویل چې  ترکیې د یو خپلواکه او مستقل هیواد په توګه  د اس ۴۰۰ دفاعي توغندیو د رانیولو تصمیم  نیولی دی. دا تصمیم د امریکا  او یا د بل کوم هیواد پر خلاف  ندی نیول شوی.

هغه  وویل چې ترکیه به هیچا ته اجازه ورنکړي چې د اس ۴۰۰ او یا اف ۳۵ ډوله الوتکو په مسئله کې د ناټو په سازمان کې  د ترکېې غړیتوب وڅیړي. همداشان  پدې اړه  څرګندونې هم  زمونږ لپاره د منلو وړ ندي.

د وطن ورځپاڼې « د چاوش اوغلو لخوا د ایران په مسئله کې د امریکا  پر خلاف غبرګون »  د سرلیک لاندې لیکلي دي، د ترکیې د بهرنیو چارو وزیر مولود چاوش اوغلو پرون  د خپل ایراني سیال جواد ظریف سره  په انقره کې ولیدل. چاوش اوغلو  د لیدنې نه وروسته خبري غونډې ته وویل چې  د امریکا لخوا پر ایران لګول شوي تحریمونه  یو ډیر ناسم  او غلط ګام دی. مونږ  ددې خبرې نه یادونې ته  دوام ورکوو. همداشان  د ایران د بهرنیو چارو وزیر جواد ظریف بیا سوریې ته د خپل سفر په اړه د پوښتنې په ځواب کې وویل چې  د سوریې د ولسمشر اسد سره لیدنه وکړه. ددې لیدنې  جزیات به  د ښاغلي ولسمشر رجب طیب اردوغان سره  شریک کړي.

د خبرترک ورځپاڼې « د ترکیې د ایژې د سیمې نه روسيې  ته د صادراتو کچه ۱۱۱ سلنه لوړه شوې »  د سرلیک لاندې لیکلي دي، د روان میلادي کال په لومړۍ ربع کې  د ترکیې د ایژې د سیمې نه  روسیې ته  د صادراتو کچه  د ۱۱۱ سلنې په لوړیدو سره  د ۳۷ میلیونه او ۸۱۸ زرو ډالرو ته  ۷۹ میلیونه او ۹۰۸ زره ډالرو ته  لوړ شوي دي.

د ویلو ده چې د ایژې د سیمې نه  روسيې ته  تر ټولو زیات  تازه میوه  او تازه  سابه  صادر شوي دي.

د حریت ورځپاڼې « اروپا ته د تاناپ د ګازو د نللیکې چارې په وروستۍ مرحله کې قرار لري »  د سرلیک لاندې لیکلي دي، اذربایجان د ترکیې له لارې اروپا بازارونو ته  د ګازو د انتقال  په خاطر  غځولي  د تاناپ  د نللیکې  چارې  وروستۍ مرحلې ته رسیدلي دي. د نللیکو د غځولو چارې سرته رسیدلي دي. اذربایجان ویلي دي چې  د  اپریل د ۱۵ مې نیټې نه په اعتبار سره يي  د نللیکو د امتحانولو په خاطر  د ګازو جریان  پیل کړی دی.

د سټار ورځپاڼې « ترکیې په فبروري میاشت کې اروپا ته د وارداتو په پرتله صادرات ډیر کړي دي »  د سرلیک لاندې لیکلي دي، ترکیې د روان میلادي کال د فبروري په میاشت کې د اروپايي ټولنې هیوادونو ته د وارداتو نه زیات  صادرات کړي دي. د ترکیې نه  اروپايي ټولنې غړیو هیوادونو ته د وارداتو په پرتله د  صادراتو کچه   ۸۷۷ عشاریه ۶ میلیونو ډالره لوړه شوې ده  .

د ایرو د سیمې  د احصایې د ادارې د شمیرو له مخې  ترکېې د فبروري په میاشت کې د اروپايي ټولنې د غړیو هیوادونو نه  د ۵ میلیارده او ۶۵۰ عشاریه ۶ میلیونه ایرو  وارداتو په مقابل کې  ۶ میلیارده ۵۲۸ عشاریه ۲ میلیارده ډالره  صادرات کړي دي.

ترکیې  یواځې د روان میلادي کال په لومړنیو دوو  میاشتو کې د اروپايي ټولنې غړیو هیوادونو نه د وارداتو په پرتله  ۲ میلیارده ۶۸۴ میلیونه ایرو  ډیر صادرات کړي دي.