د ترکیې د ورځپاڼو سرټکي

د وطن ورځپاڼې « د ترکیې ولسمشر رجب طیب اردوغان : هدف ۱۰۰ میلیارده ډالره »  د سرلیک لاندې لیکلي دي، د ترکیې ولسمشر رجب طیب اردوغان د روسیې د ولسمشر ولادیمیر پوتین سره  په ګډه  د ترکیې او روسیې ترمنځه په عالي کچه د ستراتیژیکو همکاریو د شورا  په اتمه  غونډه کې چې په مسکو کې جوړه شوې وه ګډون وکړ. ولسمشر اردوغان  دې غونډې ته په وینا کې وویل چې زمونږ  هدف  د ترکیې او روسیې ترمنځه سوداګریز حجم  سل میلیاردو ډالرو ته  لوړ دي. همداشان د روسیې ولسمشر ولادیمیر پوتین بیا وویل چې  زمونږ په هدف کې  د پوځي تخنیکي همکاریو سربیره  ترکیې ته د اس ۴۰۰ دفاعي توغندیو د سیستم  سپارولو مسئله هم  ځای لري.

د خبرترک ورځپاڼې « د لیبیا په اړه د ترکیې څرګندونې : د لیبیا د روانو حالاتو په اړه اندیښمن  یو  »  د سرلیک لاندې لیکلي دي ترکیې د بهرنیو چارو وزارت  د یو بیان په خپرولو سره  ویلي دی  چې  ترکیه   د لیبیا په  پلازمینه  طرابلس  د پیل شوو پوځي عملیاتو د وخیمو پایلو په اړه چې کیدای شي ددې هیواد  استقرار  د جدي ننګونو سره  مخامخ کړي  جدي اندیښنه لري.

دا ډول  پوځي حرکاتو  پرته ددې چې  ملکي وګړو ته  زیان ورسوي، د هیواد استقرار  د جدي ننګونو سره مخامخ کړي  او هیواد په کنډوالۍ بدل کړي بله کومه  ګټه نکوي. سربیره  پر دې  دا پوځي عملیات به  د لیبیا په اړه د ملګروملتونو لخوا پیل شوی  سیاسي  بحیر به  د سکتې سره  مخامخ کړي. په بیان کې راغلي دي چې په لیبیا او په ځانګړې توګه په پلازمینه طرابلس کې  د روان تاوتریخوالي د مخنیوي او هیواد د سکونت او امنیت په خاطر  باید  ټولې خواوې  د عقل سلیم  او  اعتدال نه کار واخلي. ترکیه  د لیبیا په اړه هم د ملګروملتونو د عمومي سکرتر  او هم  د لیبیا لپاره د ملګروملتونو د ځانګړي استازي  د هلو ځلو نه  پوره ملاتړ کوي. همداشان  ټوله نړۍواله ټولنه باید د لیبیا په اړه  ګډ دریځ او اراده  وښايي.

د حریت ورځپاڼې « د کاپادوکیا سیمې د ګرځندوی سیزن ګرم  پیل کړ »  د سرلیک لاندې لیکلي دي، د ترکیې د کاپادوکیا  تاریخي او د ګرځندوی مهمې سیمې ته د ۲۰۱۹ کال په لومړنیو درو میاشتو کې د تیر کال همدې میاشتو په پرتله  ۱۴ عشاریه ۵ سلنه لا زیات  ګرځندویان  راغلي دي. په درو میاشتو کې دې سیمې ته ۴۴۰ زره او ۶۸۶ تنه ګرځندویان راغلي دي. د ویلو ده چې دا سیمه په ترکیه کې هم  د تاریخ او هم د ګرځندوی له پلوه د مهمو سیمو نه شمیرل کیږي.

د صباح ورځپاڼې « د چینايي سیلانیانو پام  ګوبکلی تپې ته  اوښتی  دی »  د سرلیک لاندې لیکلي دي، د ترکیې د شانلي اورفا د ولایت د ګوبکلي تپې تاریخي سیمې په اړه چې د ملګروملتونو د یونسکو سازمان لخوا د نړۍ د تاریخي میراثونو په لست کې شامله شوې ده  د چینیايي ګرځندویانو  پام  اوښتی دی.

د شانلي اورفا ولایت  د کولتور او ګرځندوی  ریاست ویلي دي چې تر اوسه پورې د چین دوو مهمو تلویزیونو  د ګوبکلي تپې په سیمه کې خپرونې  جوړې کړي او فلمبرداري يي کړې ده.

د یاد شوي ښار د کولتور او ګرځندوی  د ریاست رئیس  ایدن ارسلان ویلي دي چې د ولسمشر رجب طیب اردوغان لخوا په ترکیه کې ۲۰۱۹ کال کې د ګوبکلي تپې په نامه د نومول کیدو نه وروسته په ترکیه کې ټولو اداراتو ددې سیمې  د معرفي کولو په خاطر  لاس په کار شوي او ددې سیمې په معرفي  کې ډیره زیاته مرسته کړې ده .

د سټار ورځپاڼې « په قطر کې ساختماني  نندارتون جوړیږي »  د سرلیک لاندې لیکلي دي، په قطر کې د اپریل په ۹ مه نیټه  د ۳ ورځو لپاره  ساختماني نندارتون جوړیږي.

پدې نندارتون کې به د ترکیې یو زیات شمیر ساختماني شرکتونه هم ګډون وکړي.