د ترکیې د ورځپاڼو سرټکي
د ترکیې د ورځپاڼو سرټکي
د وطن ورځپاڼې « چاوش اوغلو : داځل به جګړه ستاسې له لاسه پیلیږي » د سرلیک لاندې لیکلي دي، د ترکیې د بهرنیو چارو وزیر مولود چاوش اوغلو په نوي زیلاند کې د جمعې د لمانځه پر مهال په دوو جوماتونو د برید په اړه وویل چې « دې جاني قاتلینو او ملاتړ کوونکو يي ولسمشر اردوغان ته هم خوله راوږده کړې وه. دې پیښې ته په کتو سره د ورا څرګنده ده چې د اسلام او ترکانو دښمنانو لاس په لاس کې سره ورکړی او په ګډه دا ډول ترهګریز فعالیتونه کوي. ددې خبرې سبب دادی چې نن ورځ په نړۍ کې د مسلمانانو د حق او حقوقو نه یواځې ترکیه په لوړ غږ سره دفاع کوي. هغه وویل چې په راتلوونکي کې کیدای شي چې دا ترهګرې ډلې د کاتولیکو، پروتیستان او اورتادوکس پر خلاف هم عینې چلند وکړي. هغه اروپا ته خبرداری ورکړ چې کیدای شي چې د دویمې نړۍوالې جګړې په څیر یوه جګړه دا ځل ستاسو له لاسه پیل شي.
د سټار ورځپاڼې « ترکېې په مالي کې خونړی برید وغنده » د سرلیک لاندې لیکلي دي، ترکیې د مالي د موپتي په سیمه کې په یو کلي ترسره شوی وسله وال برید په کلکو ټکو وغنده او ددې پيښې د قربانیانو په خاطر يي د نوموړي هیواد حکومت او ملت ته د تسلیت او ډاډګیرنې پيغام واستوه.
د بهرنیو چارو وزارت لخوا په استول شوي د تسلیت په پيغام کې راغلي دي چې « په ډیرې خواشینۍ سره مو د مالي د موپتي په سیمه کې د بانکاس د کلي ترڅنګ په یو کلي د ترسره شوي خونړي برید چې په پایله کې ګڼ شمیر کسانو ته مرګ ژوبله اوښتې ته خبر ترسره کړ. ترکیه دا منفور او وحشیانه برید په کلکو ټکو غندي او د مالي خلکو او حکومت ته د ډاډګیرنې او تسلیت مراتب وړاندې کوي. د پيښې د قربیانو لپاره د الله د دربار څخه د رحمت او مغفرت او د ټپیانو لپاره د عاجلې شفا غوښتنه کوو. »
د خبرترک ورځپاڼې « د استانبول هوايي ډګر به په نندارتونو کې د نړۍوالو د ګډون کچه لوړه کړي » د سرلیک لاندې لیکلي دي، د جرمني لخوا د ترکیې د نندارتونونو عمومي رئیس الکساندر کوهنل وویل چې د استانبول د نوي هوايي ډګر د پرانیستو سره به ترکیه په هوايي ترانزیت مرکز بدله شي. ددې سره به په ترکیه کې په نندارتونو کې د نړۍوالو د کډون کچه هم لوړه شي.
د حریت ورځپاڼې « د ترکېې تماټر د نړۍ ګوټ ګوټ ته صادریږي » د سرلیک لاندې لیکلي دي، په ترکیه کې د شنو خونو او بزګرانو د ټولنې رئیس مسلم یانمز ویلي دي چې ترکیه د نړۍ ګوټ ګوټ ته تماټر صادروي. هغه وویل چې د ترکیې لخوا نړۍ ته د سابو او ترکارۍ د صادراتو په لومړني سر کې ټماټر ځای لري . هغه وویل چې د نړۍ په یو زیات شمیر هیوادونو کې ترکي ټماټر ځانګړي مینه وال لري. ترکیه په کال کې په اوسط ډول ۱۲ میلیونه ټنه ټماټر تولید لري. ددې ټماټرو نږدې ۳ نیم میلیون ټنه په شنو خونو کې تولیدیږي. هغه وویل چې ترکیې تیر کال د نړۍ ۵۳ هیوادونو ته ۲۹۲ میلیونه ټنه ټماټر صادر کړي دي.
د صباح ورځپاڼې « د هیواد د موسیقۍ نامتو ډله کنسرت ورکوي » د سرلیک لاندې لیکلي دي، د ترکیې د کولتور او ګرځندوی وزارت د ښکلو هنرونو ریاست د هیواد د ولسمشرۍ مانۍ د ارکستر د موسیقۍ د نامتو ډلې مظهر، فواد او اوزکان سره په ګډه د موسیقۍ مینه والو ته کنسرت ورکول ته تیاری نیسي. دا کنسرت به د مارچ په ۲۶ مه نيټه د پلازمینې انقرې د سپورت په سالون کې ترسره شي.
