د ترکیې د ورځپاڼو سرټکي

د حریت ورځپاڼې « په بروکسل کې د بهرنیو چارو د وزیر چاوش اوغلو مهمې څرګندونې »  د سرلیک لاندې لیکلي دي، د ترکیې د بهرنیو چارو وزیر مولود چاوش اوغلو تیره ورځ  د بلجیم په پلازمینه  بروکسل کې  د اروپايي ټولنې او ملګروملتونو لخوا  جوړ شوي  د سوریې او سیمې د راتلوونکي نه ملاتړ  تر نامه  لاندې د کنفرانس  په پرانیست وینا کې ډیرې مهمې څرګندونې وکړې. هغه وویل چې  د استانه د بهیر په پایله کې  د سوریې په ادلب کې  د تاوتریخوالي د کمولو او سیاسي بهیر د پرمختګ په خاطر ډیر مهم ګامونه  اوچت شوي دي. دې بهیر  د سوریې د مسلې سره ډیره زیاته مرسته کړې ده . همداشان په سوریه کې د نوي اساسي قانون د جوړولو په خاطر مو کمیټه وټاکله  چې  دې کمیټې چارې هم  پرمخ روان دې.

د خبرترک ورځپاڼې «  د دفاع وزیر اکار: اف ۳۵ نوې نسل جنګي الوتکو د تسلیم بهیر پرته د کوم خنډه  پر مخ  روان دی »  د سرلیک لاندې لیکلي دي، د ترکیې د ملي دفاع وزیر خلوصي اکار  تیره ورځ  د اف ۳۵ نوي نسل جنګي الوتکو په اړه وویل چې  « تمه کوو چې دا الوتکې د روان کال د نوامبر په میاشت کې ترکیې ته وسپارل شي. دم ګړۍ هر څه نورمال روان دي. زمونږ  د پیلوټانو او تخنیکي ډلې روزنیز پروګرام  پر مخ روان دی. په ترکیه کې هم  ورته  زیربناګانې جوړې شوي دي.

د ینې شفق ورځپاڼې « د ترکیې د عدلیې وزیر د اروپايي ټولنې د پریکړې په اړه  سخت غبرګون وښود » د سرلیک لاندې لیکلي دي، د ترکیې د عدلیې وزیر عبدالحمید ګل  د اروپا د پارلمان لخوا د ترکیې د ۲۰۱۸ کال د راپور د منلو په غبرګون کې وویل « د ترکیې پر خلاف  د اروپا دا پيش داوره  راپور  به  اروپا د خلکو ارزښتونو نه  لرې شوې  ده  د سند په توګه په تاریخ کې ثبت شي. د یو پلو نه د ډیموکراسۍ  او بشري حقونو په اړه سورې او نارې  وهل  او د بل پلوه  بیا د دیموکراسۍ او ارادۍ  پر خلاف جګړه کوونکو نه  ملاتړ  ستره تاریخي خطا ده.

د سټار ورځپاڼې « د ولسمشرۍ ماڼۍ د ارکستر سر وایلون غږونکې په صوفیه کې کنسرت اجرا کړ »  د سرلیک لاندې لیکلي دي ، د ترکیې د ولسمشرۍ ماڼۍ د ارکستر سر وایلون غږونکې  ژولیده یالچین  د بلغاریا په پلازمینه  صوفیه کې کنسرت اجرا کړ.

دا کنسرت چې  د بلغاریا  د موسیقۍ په سالون کې  جوړ شوی وو ډیر مشهور اثرونه يي وغږول.

د صباح ورځپاڼې «  ۲۳۰۰ کلن کولتوري میراث » د سرلیک لاندې لیکلي دي، د سامسون ولایت  د بافرا په ولسوالۍ  د هیلنیستیک  په پيړۍ کې  جوړ شوي  د عصر قلا  او قایا لرغوني قبرونو نه هره ورځ په سلګونو تنه  ګرځندویان  لیدنه کوي.

همداشان  په سیمه کې ۲۳۰۰ کلن لرغوني قبرونه هم  شتون لري .