د ترکیې د ورځپاڼو سرټکي

د وطن ورځپاڼې « د روسیې د دفاع وزیر انقرې ته راغلی وو » د سرلیک لاندې لیکلي دي، د ترکیې د ملي دفاع وزیر خلوصي اکار  تیره ورځ  د روسیې د دفاع وزیر سرګي شویګو سره  ولیدل.

دواړو وزیرانو  د فبروري په ۱۴ مه نيټه  د روسیې د سوچي په ښار کې  د روسیې، ترکیې او ایران د ولسمشرانو د سرمشریزې، د سوریې په وروستیو پرمختګونو او د ادلب په ګډون د سیمې  په مهمو مسئلو  خبرې وکړې.

د صباح ورځپاڼې « د ترکیې باز  الوتکې تر ټولو  د ښې الوتکې جایزه ترلاسه کړه »  د سرلیک لاندې لیکلي دي، د ترکي باز په نامه  الوتکې  د اروپا تر ټولو د مشهورې  سیالۍ  جرمن ډیزاین اوارډ  جایزه  ترلاسه کړه. ویل کیږي دې الوتکې  د ډیر قوي  ډیزاین  جایزه  ترلاسه کړې ده . دا الوتکه هم  په مځکه  او هم  په اوبو کې د کیناستو د ظرفیت او د انرژۍ د تصرف ځانګړتیا  لري.

د خبرترک ورځپاڼې  «  د انترکتیکا تیګو نه به د مریخ په اړه په تحقیقاتو کې کار واخیستل شي »  د سرلیک  لاندې لیکلي دي د استانبول  د تخنیک پوهنتون د جیولوجۍ  د څانګې محققې  یاغمر ګونیش په انترکتیکا کې  خپل علمي تحقیقات  سرته د رسولو نه وروسته ویلي دي چې  « د انترکتیکا نه  مو د راټولو  کړو ځانګړو تیګو او نورو مادو نه به د مریخ په اړه  په تحقیقاتو کې به زمونږ سره  ډیره مرسته وکړي. هغه وویل چې  په ترکیه کې پدې وروستیو کې د فضا په اړه تحقیقات ګړندي شوي دي. دا ډول فعالیتونه  د هیواد لپاره ځانګړی اهمیت لري.

د حریت ورځپاڼې « د ترکیې د بایبورت ولایت نه ۴ قارو ته  صادرات  »  د سرلیک لاندې لیکلي دي، د ترکیې د بایبورت په ولایت کې د قیمتي ګانو د پرې کولو  او ډیزاین  یوه فابریکه  په امریکا، اروپا، اسیا او افریقا کې  ۱۶ هیوادونو ته  صادرات لري. د یادې شوې فابریکې مشر  نورالله شنترک  ویلي دي چې بایبورت ولایت د طبعي  او قیمتي کاڼو له پلوه  ډیر بډایه ولایت دی. همداشان په فابریکه کې د شاوخوا ولایتونو طبعي او قیمتي کاڼې د پرې کولو او ډیزاینونو نه وروسته  د نړۍ  ۱۶ هیوادونو ته  صادرو.

د ینې شفق ورځپاڼې « د استانبول د اوبو لاندې ښکلا او بډاینه  نندارې ته وړاندې کیږي»  د سرلیک لاندې لیکلي دي، د استانبول د اوبو لاندې بډاینه  نن ماښام  د جمال رشید بای د کنسرتونو په سالون کې  د ځانګړو مراسمو په ترڅ کې نندارې ته وړاندې کیږي.

د استانبول  ښاروالۍ  د ګرځندوی ریاست په همکارۍ  په ۵۲ ورځو کې په ۳۳ مختلفو برخو کې  د سمندر په تل کې  د استانبول  د اوبو لاندې د بډاینې  نندارې ته د وړاندې کولو په خاطر  مستند  فلم  جوړ کړی دی. دا فلم  دوه سمندره یو ښار  تر نامه  لاندې  د اوبو لاندې  ډک شوی دی.