د ترکیې د ورځپاڼو سرټکي
د ترکیې د ورځپاڼو سرټکي
د ینې شفق ورځپاڼې « په هوايي بریدونو کې ۳ تنه ترهګر له منځه یوړل شول » د سرلیک لاندې لیکلي دي، د عراق په شمال کې د زاپ او سینات هافتا په سیمه د تیرې ورځې په هوايي بریدونو کې لږ تر لږه ۳ تنه ترهګر له منځه یوړل شول.
د ترکیې د ملي دفاع وزارت ویلي دي چې د زاپ سینات هافتا په سیمه کې د جنوري د میاشتې په ۱۲ مه نيټه په ترسره شوو هوايي بریدونو کې د ترهګرو اړوند ګن شمیر د وسلو او مهماتو ډیپوګان او پټنځایونه له منځه وړل شوي دي.
د خبرترک ورځپاڼې « د سوریې سره په پوله کې تطبیقات » د سرلیک لاندې لیکلی دي، د ترکیې وسله والو ځواکونو د سوریې د پولو سره په صفر سیمه کې پوځي تطبیقات ترسره کړل. د ویلو ده چې ترکېې سیمې ته په زرګونو تنه سرتیري استولي دي. کوماندو ځواکونو په سیمه کې د ماینونو د شنډولو ، اکمالاتو، انتقال او څار په ګډون په یو زیات شمیر برخو کې تطبیقات ترسره کړل.
د صباح ورځپاڼې « د ترکیې د هوايي حریم نه په هرو ۱۵ ثانیو کې یوه الوتکه تیریږي» د سرلیک لاندې لیکلي دي، د ترکیې د ټرانسپورت او بڼسټیزو چارو وزیر جاهد تورخان وویل چې تیر کال د ترکیې د هوايي حریم نه په هرو ۱۵ ثانیوکې یوه الوتکه کې تیره شوې ده . هغه وویل چې په تیرو کلونو کې ډیری خلک د سیاحت په خاطر د الوتکو نه کار اخلي. په تیرو لسو کلونو کې د هوا لا لارې ټرانسپورتي سکتور لس عشاریه پنځه سلنه وده کړې او د مساپرو شمیره ۲۱۰ میلیونو تنو ته لوړه شوې ده .
د سټار ورځپاڼې « د هیواد افتخار ملي وسلې » د سرلیک لاندې لیکلي دي، د ترکیې په وسلو سمبال او بې وسلو بې پيلوټه الوتکو د سوریې د فرات ډال او زیتون څانګې په عملیاتو کې د ډیر قوي او رغنده رول د لوبولو سره د نړۍ پام ځان ته اړولی دی.
د قطر نه وروسته اوکراین د ۶ په وسلو سمبال بیرقداره په نامه د بې پیلوټه الوتکو د اخیستو په خاطر د ترکیې سره تړون لاسلیک کړ.
د حریت ورځپاڼې « جاپان او سویلي کوریا خلک د ترکیې خوراکي توکو ته ترجیح ورکوي » د سرلیک لاندې لیکلي دي، د ایژې د صادراتو ټولنې ویلي دي چې د ترکیې خوراکي توکي د جاپان او سویلي کوریا په بازارونو کې تر ټولو زیات خریداران لري. د ترکي توکو د معرفي په خاطر په جاپان او سویلي کوریا کې یوه پروژه هم پيل شوې وه.
ددې پروژې د عملي کیدو نه وروسته جاپان او سویلي کوریا ته د ترکي توکو په صادراتو کې ۳۶ سلنه ډیروالی راغلی دی.
