د ترکیې د ورځپاڼو سرټکي

د صباح ورځپاڼې « د بهرنیو چارو وزیر امریکا ته سفر کړی » د سرلیک لاندې لیکلي دي، د ترکیې د بهرنیو چارو وزیر مولود چاوش اوغلو د ملګروملتونو سازمان د مدنیتونو د اتفاق  په اتمه  غونډه کې د ګډون په خاطر  نیویارک ته سفر کړی دی. بهرنیو چارو وزیر وویل چې  د سبا  د سې شنبې په ورځ  د نوامبر په شلمه به  د ترکیې او امریکا د اړیکو په مسلې  د نوموړي هیواد د بهرنیو چارو وزیر مایک پومپیو سره  هر اړخیزې خبرې وکړي.

د حریت ورځپاڼې « د ترکیې د دفاع وزیر د امریکا لوی درستیز سره ولیدل »  د سرلیک لاندې لیکلي دي ، د ترکیې د ملي دفاع وزیر خلوصي اکار چې  د هالیفاکس  پر امنیتي غونډه کې د ګډون په خاطر  کاناډا ته سفر کړی دی هلته يي د امریکا د ستر درستیزوال  جوزیف ډانفورد  سره  لیدنه وکړه.

د ترکیې د دفاع وزیر  پدې لیدنه کې  ددې خبرې په تینګار وویل چې  په سوریه کې د وای پ جي ترهګره ډله  چې  امریکا ترینه ملاتړ کوي  د پ ک ک څانګه ده  او د هغوې ترمنځه هیڅوم توپیر شتون نلري. هغه  د امریکا نه د یادې شوې ترهګرې دلې نه د ملاتړ کولو نه د لاس اخیستو غوښتنه وکړه. اکار د امریکا نه غوښتنه وکړه چې  د نوموړو ترهګرو سره  هر څه ژر اړیکې پرې کړي.

اکار وویل چې  امریکا ته مو خپل وړاندیز  او غوښتنې یو یو  وړاندې کړ. د ترهګرو سره  په یو عکس کې د امریکايي سرتیرو  خپرید  د منلو ندي. مونږ  په راتلوونکې کې د داسې  یوې منظرې د نه تکراریدو غوښتنه وکړه.

وطن ورځپاڼې « د روسیې لخوا د ترکیې په اړه  مهمې څرګندونې »  د سرلیک لاندې لیکلي دي، د روسیې د انرژۍ وزیر الکساندر نواک د روسیې او ترکیې ترمنځه د اقتصادي اړیکو په اړه ډیرې مهمې څرګندونې وکړې. هغه وویل چې  د ترک جریان د نللیکې په څیر پروژې  په اصل کې  زمونږ  د اقتصادي همکاریو ضمانت دی. هغه وویل چې  سږ کال  روس ګرځندویان به هم  په ترکیه  کې ریکاټ  مات کړي.

د ینې شفق ورځپاڼې  « ترکي ډاکټر لخوا  د انقلاب په څیر  کشف »  د سرلیک لاندې لیکلي دي، د جرمني  د لودویګ مکسیمیلین  په پوهنتون کې  د لابراتور په فعالیتونو بوخت ترک نیرولوجیست ډاکټر علي ایرترک  د یو نوي میتود  په کشفولو سره   د روحي ، فلج، شکرې او سرطان د ناروغیو  د تشخیص  او تداوۍ  او ژر تداوۍ په برخه کې  هیلې راژوندۍ کړي دي.

د خبرترک ورځپاڼې  « د جان اونجو تاریخي بری »  د سرلیک لاندې لیکلي دي، د ترکیې تر ټولو ځوان  موټر سایکل ځغلوونکي  یو بل  ډیر مهم بری  ترلاسه کړ.

۱۵ کلن  سپورت من  د موتو درې د سیالۍ په وروستۍ مرحله کې  د موتو جي پي  ګټګورۍ ته  ځان  ورسو.

نوموړي  ددې سیالۍ  اتلولي  ترلاسه کړه. نوموړي  په ترکیه کې  د موټرسایکل ځغلونې په تر ټولو د ځوان  اتل  لقب ترلاسه کړي.