د ترکیې د ورځپاڼو سرټکي
د ترکیې د ورځپاڼو سرټکي
د صباح ورځپاڼې « البیرق : تاریخي غونده وه » د سرلیک لاندې لیکلي دي ، د ترکیې د خزانې او مالیې وزیر برات البیرق وویل چې په ارجنټاین کې جوړه شوې د جي شل هیوادونو غونډه ډیره ګټوره تیره شوه. هغه وویل پداسې یو حساس وخت کې چې نړۍوال تجارت د ډیرو سختو امتحانونو ته د تیریدو په حال کې دی او په ترکیه کې نوی حکومتي سیستم په پیل کې قرار لري ددې غونډې ترسره کیدل ډیر ګټور وو. په ځانګړې توګه د ترکیې لپاره ځانګړی اهمیت درلود.
د وطن ورځپاڼې « ترکیې ته باید د اف ۳۵ ډوله الوتکو سره جزا ورنکړل شي » د سرلیک لاندې لیکلي دي، د امریکا متحده ایالتونو د دفاع وزیر جیمز متیس کانګرس ته په وینا کې وویل « ترکیې ته باید د روسیې نه د اس ۴۰۰ دفاعي سیستم د رانیولو له امله د اف ۳۵ ډوله جنګي الوتکو سره جزا ورنکړل شي. ترکیه باید ددې مسلې له امله ددې الوتکو د پروګرام نه بهر نکړی شي. »
د سټار ورځپاڼې « ترکیه د ملي تکنالوژۍ لپاره منځ مهال او اوږده مهاله سیاستونه جوړوي » د سرلیک لاندې لیکلي دي، ترکیې چې د دفاعي صنایعو په برخه کې د قوي تکنالوژۍ د تولید سره ډیر قوي پرمختګ کړی دی اوس غواړي چې د ملي تکنالوژۍ لپاره منځ مهال او اوږد مهال سیاستونه جوړ کړي. ترکیه غواړي چې ددې سیاستونو سره هیواد د پرمختللې تکنالوژۍ او مهمو مارکو د تولید ، مجازي ذکاوت، ځیرکې تکنالوژۍ او علم په مهم مرکز بدل کړي.
د ینې شفق ورځپاڼې « د ترکیې په اړه د الماني ګرځندویانو لیوالتیا ډیره شوې ده » د سرلیک لاندې لیکلي دي، د جرمني د سیاحتي نماینده ګیو د ټولنې رئیس نوربیرت فیبیګ د فرانکفورتر ورځپاڼې سره په مرکه کې ویلي دي چې پدې وروستیو کې د جرمني د سیاحتي نماینده ګیو چارو ډیر پرمختګ کړی دی. هغه ویلي دي چې د الماني ګرځندویانو لیوالتیا په ځانګړې توګه ترکیې، یونان سواحلو، بلغاریا او مصر ته ډیره شوې ده .
هغه ویلي دي چې په ځانګړې توګه ترکیې ته د الماني ګرځندویانو تګ راتګ ډیر زیات ډیر شوی دی.
د حریت ورځپاڼې « ملي غشي ویشتوونکي میتي ګازوز د سروزرو مډال وګټه » د سرلیک لاندې لیکلي دي، د جرمني په پلازمینه برلین کې جوړه شوې د غشي ویشتنې په نړۍواله اتلولۍ کې د هیواد ملي غشي ویشتوونکي میتي ګازوز د سروزرو مډال ترلاسه کړ.
