د ترکیې د ورځپاڼو سرټکي
د ترکیې د ورځپاڼو سرټکي
![د ترکیې د ورځپاڼو سرټکي](http://cdn.trt.net.tr/images/xlarge/rectangle/78f0/a2eb/9d62/5acb2352e7e37.jpg?time=1718874521)
د ینې شفق ورځپاڼې « د ترکیې هوايی کرښو شرکت نړۍوالو تړون لاسلیک کړ » د سرلیک لاندې لیکلي دي، د ترکیې د ملکي هوايي کرښو شرکت ترکش ایرلایین د امریکا د ایکسپرس ګلوبل بزنز ټریول کمپنۍ سره نړۍوال تړون لاسلیک کړ. ترکش ایرلایین په پام کې لري چې په نړۍ کې په دولتي او خصوصي سفرونو کې خپله ونډه لوړه کړي.
د وطن ورځپاڼې « ددینه وروسته په ترکیه کې تولیدیږي » د سرلیک لاندې لیکلي دي، د ترکیې د اوزدیسان الکترونیک شرکت د یو ایټالیوي شرکت سره په ګډه په استانبول کې د دفاعي صنایعو د پرزه جاتو د تولید لوی مرکز جوړوي. په خبر کې راغلي دي چې ددې مرکز سره به د دفاعي صنایع په برخه کې د اړتیا وړ ټوله تکنالوژي او پرزه جات په ترکیه کې تولید شي. پدې برخه کې به هیواد په خپلو خپو ودریږي او له بهره به خپلواکه شي. »
د سټار ورځپاڼې « ترکیه یواځنی هیواد دی چې پکې د مالوچو د تخم ژن ندی بدل شوی » د سرلیک لاندې لیکلي دي، د مالوچو د نړۍوالې مشورتي کمیټې ریس د تخنیکي معلوماتو د څانګې ریس کاشف کرانتي د ترکیې د ایدن ولایت نه د لیدنې پر مهال وویل چې « ترکیه یواځنی هیواد دی چې د مالوچو د تخم ژن پکې ندی بدل شوی.» هغه وویل چې دا یوه ډیره مهم ځانګړتیا ده.
ترکیه په نړۍ کې هم د مالچو د تولید او هم د کیفیت له پلوه په لومړني کتار کې ځای لري.
د صباح ورځپاڼې « د ۲۰۱۸ کال د ګرځندوی د سکتور تر ټولو لویه کښتۍ د ایدن ولایت کوش اده سې کې لنګر واچولو.
په خبر کې راغلي دي چې دې لویې سیاحتي کښتۍ ۱۸۴۶ تنه ګرځندویان د ایدن ولایت د کوش ادا سې ته راوړي دي.
کښتۍ کوش ادا سې ته دا لومړنی سفر دی چې ترسره کوي.
د خبرترک ورځپاڼې « ګوبکلي تپه د یونسکو د نړۍوالو میراثونو په لست کې شامله شوه ، د سرلیک لاندې لیکلي دي، د ترکیې د شانلي اورفا ولایت چې ۱۲ زره کلن تاریخ لري د ګیبکلي ټپې سیمه د ملګروملتوو سازمان د تاریخي میراثونو په نړۍوال لست کې شامل شو.