د ترکیې د ورځپاڼو سرټکي

د صباح ورځپاڼې  « د اف ۳۵ ډوله  پنځم نسل الوتکو لپاره ترکیې ته رسمي بلنه  ورکړل شوه »  د سرلیک لاندې لیکلي دي، د ترکیې لخوا  د روسیې نه د اس ۴۰۰ دفاعي توغندیو د رانیولو په غبرګون کې  د امریکا  یو زیات شمیر سناتورانو  په ترکیې  د اف ۳۵ ډوله  پنځم نسل  جنګي  الوتکو  د پلورولو  سره  سخت مخالفت وښود  او ترکیې ته ددې الوتکو د نه ورکولو غوښتنه وکړه. ترکیې  د امریکايي سناتورانو  ددې مخالفت سره  سخت غبرګون وښود.

امریکا د ترکیې د سخت غبرګون نه وروسته  ترکیې ته  د نوموړو الوتکو  د لومړنیو تسلیماتو په اړه  ترکیې ته  رسمي بلنه ورکړه.

ترکیې ته  لومړنۍ  اف ۳۵ ډوله جنګي  الوتکه  د جون په ۲۱ مه نیټه  سپارل کیږي.

د وطن ورځپاڼې  « شمشک : ترکیې ته د بهرنیو پانګو جریان پیل شو »  د سرلیک لاندې لیکلي دي، په اقتصادي چارو کې د ترکیې د لومړي وزیر مرستیال  محمد شمشک  د یو خصوصي تلویزیون سره  په مرکه کې وویل چې د بهرنیو پانګه والو سره  د مخامخ  لیدونو نه وروسته  هیواد ته د بهرنیو پانګو جریان پیل شوی. ترکیې ته بهرنۍ پانګه راماتې شوي دي.

د خبرترک ورځپاڼې « بودروم ولسوالي  د  بهرنیو  سیلانیانو د خوښې  ځای »  د سرلیک لاندې لیکلي دي، د روسیې، اوکراین ، سویډن ناروې په څیر  د هیوادونو  نه  راغلي په زرګونو تنه  سیلانیان  د بودروم  ولسوالۍ  ته راغلي دي. په خبر کې راغلي دي چې یواځې  د پنجشنبې په ورځ  بودروم ولسوالۍ کلو ته  تر ۴ زرو ډیر سیلانیان راغلي دي.

ویل کیږي  په بودروم ولسوالۍ کې د هوا  تودوخې درجه  ۳۲ او د سمندر د اوبو د تودوخي  درجه  شل  درجې  ښودل شوې ده .

د صباح ورځپاڼې  « جستینین پل د یونسکو د نړۍ د تاریخي میراث په لست کې شامل شو »  د سرلیک لاندې لیکلي دي، د ترکيې د سکاریا ولایت تر ټولو  د تاریخي  اثارو نه  د ایه صوفیه  همزولی  د جستینین  پل  د ملګروملتونو  د یونسکو سازمان لخوا  د نړۍوالو میراثونو په لست کې  شامل کړې شو.

د سټار ورځپاڼې  « ترکیه د پانګه والو لپاره  د مځکې پر سر جنت »  د سرلیک لاندې لیکلي دي، د ایران – ترکیې د سوداګریزې خونې  ریس  رضا قاسمي  وویل چې ترکیه د پانګه والو لپاره  د مځکې پر سر  جنت  دی.