د ترکیې د ورځپاڼو سرټکي
د ترکیې د ورځپاڼو سرټکي
![د ترکیې د ورځپاڼو سرټکي](http://cdn.trt.net.tr/images/xlarge/rectangle/78f0/a2eb/9d62/5acb2352e7e37.jpg?time=1719012158)
د ینې شفق ورځپاڼې « ترکیه او امریکا د منبیچ په مسله کې په تفاهم ورسیدل » د سرلیک لاندې لیکلي دي، د ترکیې او امریکا ترمنځه د سوریې د منبیچ د سیمې نه د پ ک ک ترهګرې ډلې د ویستو په مسله کې پ تفاهم ورسیدل. د تفاهم له مخې پ ک ک ترهګره ډله به په درې پړاونو کې د منبیچ د سیمې نه ووځي.
د سټار ورځپاڼې « اردوغان : په ځايي او ملي موټر کې به تر ټولو پرمختللې تکنالوژۍ نه کار واخیستل شي » د سرلیک لاندې لیکلي دي، د ترکیې ولسمشر رجب طیب اردوغان وویل چې د نړۍ نامتو پانګه وال او متشبص او د تیسلا بڼسټ ایښودونکي ایلون موسک کې د ترکیې د ملي او ځايي موټر د پروژې په اړه خبرې کړي دي. ولسمشر اردوغان وویل چې پدې موټر کې به د نړۍ تر ټولو پرمختللې ټکنالوژۍ نه کار واخیستل شي.
د وطن ورځپاڼې « مرستیال لومړی وزیر لندن ته تللی » د سرلیک لاندې لیکلي دي ، په اقتصادي چارو کې د لومړي وزیر مرستیال محمد شمشک د رسمي سفر په ترځ کې د انګلستان پلازمینې لندن ته سفر کړی دی. مرستیال لومړي وزیر ویلي دي چې په لندن کې د اقتصادي مسایلو په اړه لیدنې کتنې ډیرې ګټورې وې.
د خبرترک ورځپاڼې « د اقتصادي همکاریو او پراختیا تشکیلات په استانبول کې مرکز پرانیزي » د سرلیک لاندې لیکلي دي ، د اقتصادي همکاریو او پراختیا تشکیلات چې عمومي مرکز يي په پاریس کې دی ویلي دي چې غواړي په استانبول کې هم یو مرکز پرانیزي. یاد شوي سازمان ویلي دي چې د استانبول په مرکز کې به یواځې او یواځې د سیمې لپاره سیاستونه جوړ شي.
د صباح ورځپاڼې « د ټاکل شوې مودې نه ۷ میاشتې مخکې تسلیم کړ » د سرلیک لاندې لیکلي دي، د ډرون یا بې پيلوټه الوتکو شرکت بیرقدار د هیواد ژاندارم ځواکونو ته ۶ په وسلو سمبال ډرون الوتکې په بریالیتوب سره د امتحاني دورې د سرته رسولو نه وروسته تسلیم کړې.
په خبر کې راغلي دي یاد شوې ډرون الوتکې په قرارداد کې د ټاکل شوې مودې نه ۷ میاشتې مخکې ژاندارم ځواکونو ته وسپارل شوې.