د ترکیې د ورځپاڼو سرټکي

د صباح ورځپاڼې  «  اردوغان : نړۍ ته  زیری  لرو »  د سرلیک لاندې لیکلي دي، د ترکیې ولسمشر رجب طیب اردوغان د اذربایجان ولسمشر الهام علیوف سره په ګډه  د بیشتپې په ماڼۍ کې خبري غونډه کې ګډون وکړ. ولسمشر اردوغان خبري غونډې ته وویل چې  د ترانس انادولو د ګازو د انتقال نللیکه  به  د روان میلادي کال  د جون په میاشت کې  پرانیزو. د ټاکنو نه مخکې  ترکیې او نړۍ ته  ډیر ښه زیری  لرو.

د ینې شفق ورځپاڼه « د ترکیې او اسپانیا ترمنځه اړیکي  ډیرې قوي دي »  د سرلیک لاندې لیکلي دي، د اسپانیا د ګرځندوی وزیر الوارو نادال د لومړي وزیر بنعلي ییلدرم په ګډون  په اقتصادي غونډه کې د ترکیې او اسپانیا د اړیکو په اړه ارزونې وکړې. هغه وویل چې د ترکیې او اسپانیا  اړیکي  ډیرې زیاتې قوي دي. د دواړو هیوادونو ترمنځه  د ناټو په سازمان کې د اتفاق  سربیره  د ترهګرۍ پر وړاندې  د مبارزې په برخه کې هم  ډیره قوي همکاري  او اړیکي لري.

د وطن ورځپاڼې  « روسیې د اس ۴۰۰ د دفاعي توغندیو په تولید رسمآ پیل وکړ »  د سرلیک لاندې لیکلي دي، د روسیې د وسلو دولتي شرکت ریس  الکساندر میخایوف  ویلي دي چې  روسیې  د ترکیې  لپاره  د اس ۴۰۰ دفاعي  توغندیو  په تولید پیل وکړ.

د سټار ورځپاڼې  « په ترکیه کې د فولادو نکلو تولید د نړۍ د اوسط تولید نه لوړ شو » د سرلیک لاندې لیکلي دي، په نړۍ کې  د خامو نکلو تولید د مارچ په میاشت کې د ۴ سلنه لوړیدو سره  ۱۴۸ عشاریه ۳ میلیونه ټنو ته لوړ شوی دی. همداشان  د مارچ په میاشت کې د ترکیې  د نکلو تولید ۷ عشاریه ۶ سلنه لوړیدو سره ۳ عشاریه ۴ میلیونه ټنو ته  لوړ شوی دی.

د خبرترک ورځپاڼې  « لومړنۍ ترجیح  ترکیه  ده »  د سرلیک لاندې لیکلي دي، د ترکیې د هوټلدارۍ  د ټولنې لخوا د اوکراین په اړه  د جوړ کړي راپور  له مخې  د اوکراین  د یو عشاریه ۳ میلیونو تنو ګرځندویانو  ډیری  برخې  ترکیې ته ترجیح ورکړې ده .

ددې په مقابل کې  ترکان هم  د رخصتۍ  لپاره  اوکراین ته ترجیح ورکوي. په ۲۰۱۷ کال کې  ۲۷۰ زره تنه  ترک ګرځندویان  د رخصتۍ په خاطر اوکراین ته  تللي دي.

د دواړو هیوادونو  ترمنځه  د ویزې معافیت  د ګرځندوی سکتور د ودې سره  د پام وړ مرسته کړې ده .