د ترکیې د ورځپاڼو سرټکي

د وطن ورځپاڼې «  اردوغان افریقا ته سفر کوي  » د سرلیک لاندې لیکلي دي، د ترکیې ولسمشر رجب طیب اردوغان د فبروري په ۲۶ مه نيټه  د ۴ ورځني سفر په ترڅ کې  افریقا ته سفر کوي. ولسمشر اردوغان به د خپل دې سفر په ترڅ کې  د جزایر، موریتانیا، سینیګال  او مالي  نه  لیدنه وکړي. د ولسمشر اردوغان به ددې سفر په ترڅ کې د نوموړو هیوادونو سره په اقتصادي مسایلو خبرې وکړي. همداشان  ولسمشر اردوغان به ددې هیوادونو د مشرانو نه  د تیر کال د دسمبر په میاشت کې په ملګروملتونو کې  د بیت المقدس په اړه په رای اچونه کې د بیت المقدس نه  د ملاتړ له امله  مننه وکړي.

د سټار ورځپاڼې « د ترک جریان  د نللیکې د سمندر د برخې  ۴۸ سلنه چارې پایته رسیدلي دي »  د سرلیک لاندې لیکلي دي، د ترک جریان د ګازو د نللیکې د پروژې د چارو ۴۸ سلنه پایته رسیدلي دي . د ترلاسه شوو معلوماتو له مخې تر اوسه پورې  ۸۸۴ کیلومتره  نللیکه  غځول شوې ده  .

د ترک جریان  د شرکت لخوا په خپره شوې خبرپاڼه کې ویل شوي چې  د یادې شوې پروژې  نللیکه  د بلغاریا د اقتصادي  سیمې  نه  ۶۶۰ کیلومتره  اوښتې ده .

د خبرترک ورځپاڼې « ۶نیم میلیونه  تنه چینايي  ګرځندویان  د نوي کال  په رخصتۍ وځي »  د سرلیک لاندې لیکلي دي په چین کې  د نوي کال د رخصتیو له امله  ۶ نیم میلیونه تنه  ګرځندویان  د هیواد نه بهر سفر کولو ته تیاری نیسي. په چین کې د نوي کال رخصتۍ د ترکیې د ګرځندوی د سکتور هیلې هم  راژوندۍ کړي دي. د ترکیې د استانبول، کپه دوکیا  او پاموک کلا  د ولایتونو د ګرځندوی سکتور  هیله لري چې سږ کال  په زرګونو تنه  چینیايی ګرځندویان  یادو شوو ولایتونو ته  سفر وکړي.

د ینې شفق ورځپاڼې  « جاپانیا د ترکيې د بانجان رومیانو  اوبه  خوښوي » د سرلیک لاندې لیکلي دي، په نړۍ کې  د بانجان رومي  د تولیدونکو  نه ترکیې  سږ کال د رومي بانجانو د اوبو  صادرات  ۷۲ سلنه لوړ شوي دي. ترکیې  په تیر کال کې  تر ټولو ډیر  د رومي بانجانو اوبه  جاپان ته  صادر کړدي. ترکیه  ۵۵ هیوادونو نه د رومي بانجانو اوبه صادروي.

سږ کال  ترکیې  جاپان ته  ۴۷۰ ټنه  د رومي بانجانو  اوبه صادر کړي دي. همداشان  هانګ کانګ په دویم  او قطر بیا په دریم کتار کې ځای لري.