د ترکیې د ورځپاڼو سرټکي

د صباح ورځپاڼې  « د دریو هیوادونو  ګډ بری  »  د سرلیک لاندې لیکلي دي، د چین او اروپا  نخلوونکې  د وریښمو د لارې د ریل ګاډي پټلۍ  تیره ورځ  د اذربایجان  په پلازمینه  باکو کې د ځانګړو مراسمو په ترڅ کې  پرانیستل شوه. پدې مراسمو کې د ترکیې ولسمشر رجب طیب اردوغان او اذربایجان د ولسمشر سربیره  د ګرجستان، ترکمنستان او ازبکستان  لومړي وزیرانو هم ګډون کړی وو.

د ترکیې ولسمشر رجب طیب اردوغان  د نوموړي ریل ګاډي د پټلۍ د پرانیستو په مراسمو کې ددې کرښې په اهمیت ټینګار وکړ او وویل « دا زمونږ  د ټولو ګډ بری  دی. دا یواځې د نن نه بلکې زمونږ  د راتلوونکي او راتلوونکو نسلونو لپاره هم  ځانګړی اهیمت لري.

دا پروژه  چې  اسیا، اروپا او افریقا  د یو بل سره  د نخلولو په خاطر  پيل شوې ده د نوې وریښم لارې  د زنځیر لومړنۍ حلقه  ده. ددې پروژې لومړنۍ  برخه نن پرانیزو.

پدې ډول  د لندن نه تر چین  د ریل پټلۍ سره د نښولو  په خاطر لومړنی ګام  اوچت شو. دا پروژه  زمونږ د ټولو ګډ بری  دی. »

ولسمشر اردوغان وویل  « د اذربایجان خلک  یو متل لري چې وايي  د زیار او زحمت سره  ترلاسه شوی  تریخ پياز  د احسان او محنت  د شاتو نه  خواږه  دي. دا پروژه  زمونږ  د ټولو  د ګډو زحماتو  او زیار او کوښښ  ثمره ده .»

ولسمشر اردوغان زیاته کړه چې  زمونږ  سیمه  د نړۍ  د قلب په توګه یادیږي. زمونږ  سیمه  د ټرانسپورت نه نیولې تر تجارته  ، تر ګرځندوی او انرژۍ پورې  د ځانګړي  پوتانشیل خاونده سیمه ده. ترکیه  د تیرو ۱۵ کلونو راهیسې پدې برخو کې  د سرمایه ګذاریو سره  ددې جوهر د ښکاره کولو په خاطر مبارزه کوي. ولسمشر اردوغان وویل چې  ددې په هیله چې دا  پروژه  زمونږ  د ملتونو سربیره د ټولې نړۍ خلکو ته د خیر او برکت  وسیله وګرځي.

د حرییت ورځپاڼې «  لویه پروژه  په وروستیو مرحلو کې قرار لري »  د سرلیک لاندې لیکلي دي، د ترانس انادولو  د ګازو د نللیکې پروژې عمومي ریس  سالتوک دوزیول  وویل چې  د ترکیې او ګرجستان  د پولو نه  پيل  او د ترکیې د اسکي شهر تر ولایتونه غځیدونکې  نللیکې  چارې ۹۳ سلنه  سرته رسیدلي دي.

هغه وویل چې  انشاالله د راتلوونکي  کال  په لومړنیو میاشتو کې به  د یادې  شوې  نللیکې ټولې چارې سرته ورسیږي  او امتحاني مرحلې به يي پیل شي. هغه زیاته کړه چې په بریالیتوب سره د امتحانونو د سرته رسیدو سره  به  د نللیکې له لارې  د ګازو جریان  پیل شي. هغه وویل چې دا نللیکه  د ۳۵۰ مترو په اوږدوالي  جوړه شوې ده . د امتحانونو  پر مهال به د نللیکې  متر متر  وکتل شي او د امتحان نه به تیره شي.

همداشان  د ۲۰۱۸ کال  د جون تر میاشتې به  ترکیه  ددې نللیکې له لارې د نړۍ بازارونو ته د ګازو په انتقال  پيل وکړي.

د خبرترک ورځپاڼې  « د زیګانا د نوي تونل به  د اوږدوالي له پلوه د اروپا تر تولو اوږد لومړی  او د نړۍ تر ټولو اوږد دویم  تونل  لقب  ترلاسه کړي »  د سرلیک لاندې لیکلي دي، د ختیځې تورې بحیرې او قفقاسونو  ، منځني ختیځ او ایران  نخللونکی  د ترابزون  او ګومشخانې د ولایتونو او وریښمو د لارې د پاسه  پروت  د زیګانا  نوي تونل  د کیندې چارې په چټکۍ سره دوام لري. ددې تونل  د جوړیدو سره  به  د اروپا تر ټولو اوږد او د نړۍ  دویم  اوږد  تونل  شي.

ددې تونل  د کیندولو چارې چې  یو نیم کال مخکې  پیل شوي دي تر اوسه پورې  د تګ او راتګ  جمعآ  ۸ زره ۸۰۷ متره مکعبه  کیندل شوی دی .

د وطن ورځپاڼې « اف ۳۵ ډوله  جنګي الوتکې په ۲۰۱۸ کال کې ترکیې ته سپارل کیږي  » د سرلیک لاندې لیکلي دي، د رادار لخوا نه تثبیتیدونکي  اف ۳۵ ډوله  نوي نسل جنګي الوتکې چې  د ارواح  په نامه  هم  مشهورې  دي  په ۲۰۱۸ کال  کې ترکیې ته سپارل کیږي. د ویلو ده چې  د نوموړو الوتکو  رسمي تولیدات په ۲۰۱۹ کال کې پیلیږي. ترکیه چې ددې الوتکو په جوړولو کې شریکه ده  د فرمایش ورکړو الوتکو نه  ۲ دانې به  په ۲۰۱۸ کال کې ترلاسه کړي.