د ترکیې د ورځپاڼو سرټکي

د سټار ورځپاڼې  « یا به خپلې وسلې په مځکه ږدي  او د مځکې لاندې کوي به يي با به پخپله  د خاورو  لاندې کیږي »  د سرلیک لاندې لیکلي دي، د ترکیې  ولسمشر رجب طیب اردوغان د انقرې د قهرمان قزان په ولسوالۍ کې  د بزګرو سره  یو ځای روژه ماتی وکړ. ولسمشر اردوغان  دلته  په خپله وینا کې ترهګرۍ پر وړانډې مبارزې ته په اشارې سره وویل « یو شمیر کسان  چې هغه کوي چې د سیمې  روان کړکیچونه  او نارامي  ترکیې ته راداخله کړي خپله دا ارمانونه به د ځان سره ګور ته یوسي. د هیواد دننه او بهر به  ترهګرو  ته  د ساه اخیستو فرصت ورنکړو. انشاالله چې ددوې دا ناولې لوبه  به  خرابوو. د تاندورک، جودي، ګابار او بیسته لر دره لر  په غرونو کې هم  ورته  د ساه اخیستو  فرصت نه ورکوو. تر کومه  چې  وسلې په مځکه کینږدي زمونږ  مبارزه به دوام  وکړي. که چیرې وسلې په مځکه کینږدي  او خاوره په وانړوي  خپله به د خاورې لاندې ننوځي. د ترکیې نه نیولې د عراق د قندیل تر غرونو پورې به ورپسې  لاړ شو. »

د وطن ورځپاڼې « امریکا په شا ګام اوچت کړ: د وای پي جي ترهګرې ډلې نه ټولې وسلې بیرته اخلي  »   د سرلیک لاندې لیکلي دي، د امریکا متحده ایالتونو د دفاع وزیر جیمز ماتیس  د ترکیې د ملي دفاع وزیر فکري اشق ته  د یو لیک په رالیږولو سره ویلي دي چې د امریکا لخوا وای پي جي  ترهګرې ډلې ته  د ورکړل شوو ټولو وسلو او مهماتو لست  به  ترکیې سره  شریک کړي. د رقه د عملیاتو د پایته رسیدو سره سم به پاتې وسلې  د یادې شوې ډلې نه بیرته راټولې کړی شي. د ویلو ده چې امریکا  متحده ایالتونو ددینه مخکې ویلي وو چې  د رقه د عملیاتو د پایته رسیدو نه وروسته به پاتې وسلې د وای پي جي نه وانخلي. امریکا  پیښمانه شو او په شا يی ګام اوچت کړ.

د صباح ورځپاڼې  « د ترکیې سرتیري قطر ته ورسیدل »  د سرلیک لاندې لیکلي دي، ترکیې  وسله والو ځواکونو د قطري ځواکونو  د روزنې او ګډو عملیاتو په خاطر د همکارۍ په خاطر  چارې ګړندۍ  کړي دي. د قطري ځواکونو د روزنې په موخه  ترکي ځواکونه  قطر پر لورې روان شوي دي. ۲۵ تنه ترکي سرتیري او ۵ زغروال  ګاډي  تیره ورځ  قطر ته ورسیدل. دا عسکر به په قطر کې  د ترکیې په عسکري هډه کې  ځای په ځای کړې شي. په خبر کې راغلي دی چې  سرتیري په د قطري ځواکونو سره په ګډه په تطبیقاتو کې ګډون وکړي. د تطبیقاتو پر مهال  به  د خلیج هیڅ کوم هیواد  هدف  نه ټاکل کیږي. بلکې دا تطبیقات به  د ټولې سیمې د امنیت په خاطر ترسره کیږي.

د خبرترک ورځپاڼې « د ترک جریان د پروژې مالي لګښت ۶ میلیارده ډالره اټکل شوی»   د سرلیک لاندې لیکلي دي، روسیې  د ګازپورم  د شرکت  لوړپوړي چارواکي  اندري کروغلوف  ویلي دي چې  د ترک جریان  د ګازو د نللیکې  په پروژې به  ۶ میلیارده ډالره لګښت راشي. هغه ویلي دي چې ددې پروژې په چوکاټ کې به دوه نللیکې  ترکیې ته  راوغځول شي او دوه به نورې د اروپا بازارونو ته  وغځول شي. د ویلو ده چې د نوموړې پروژې په چوکاټ کې به د ګازو نللیکې  د روسیې نه تورې بحیرې له لارې ترکیې ته راوغځول شي. تمه کیږي چې د پلان له مخې  ددې پروژې دوه نللیکې د ۲۰۱۹ کال  تر پایه  په فعالیت پیل وکړي.

د حرییت ورځپاڼې  « د استانبول د اسهامو په بازار کې وار د مخه اختر راغی  »  د سرلیک لاندې لیکلي دي، د استانبول  د اسهامو په بازار کې د قیمت بهاو سندونو بیه  د تیرو شپږو میاشتو نه راپدیخوا  هره ورځ  لوړیږي. همداشان  پرون دې بازار  یو ځل بیا ریکاټ  ټینګ کړ.

د استانبول  د اسهامو په بازار کې  قیمت بهاوو سندونو  سږ کال  ۲۸ سلنه ارزښت لوړ شوی دی . تیره ورځ  یو ځل بیا  د صفر عشاریه  ۶۹ سلنې بیې لوړیدو سره  یو ځل بیا ریکاټ مات کړ. ددې خپلې اصلي لامل پدې وروستیو کې ترکیې ته د بهرنیو پانګه والو راماتیدل  دي.

د بله پلوه  د ترکیې مرکزي بانک ویلي دي چې  تیره اوونۍ  بهرنیو پانګه والو په ترکیه کې د یو میلیاردو ډالرو په ارزښت حصې  او قیمت بها سندونه پیرودلي دي.