د ترکیې د ورځپاڼو سرټکي

د صباح ورځپاڼې  «  د ټرامپ سره  مهمه  لیدنه  »  د سرلیک لاندې لیکلي دي، د ترکیې ولسمشر رجب طیب اردوغان په چین کې د رسمي لیدونو کتنو نه وروسته تیره ورځ امریکا متحده ایالتونو ته سفر وکړ. ولسمشر اردوغان  د امریکا د ولسمشر ټرامپ سره د لومړي ځل لپاره مخامخ لیدنه کوي. ورځپاڼې  لیکلي دي ولسمشر اردوغان  د یوې لویې دوسیې سره واشنګټن ته سفر کړی دی. ولسمشر به  د ټرامپ سره په لیدنه کې  په سوریه کې د داعش پر خلاف د مبارزې په بهانه  د امریکا لخوا د پې کاکا ترهګرې ډلې د څانګو پي وای ډي او وای پي جي سره  د وسلو او مهماتو  د مرستو  په اړه خپل غبرګون  او اندیښنه څرګنده کړي. همداشان  پدې لیدنه کې به  ترکیې ته د فتح الله ګولن ترهګریز سازمان د مشر د سپارولو په بهیر او  د رقه  ښار د عملیاتو په مسلې هم خبرې وشي.

د خبرترک ورځپاڼې «  هر څه د هیواد په خاطر  »  د سر لیک لاندې لیکلي دي، په ترکیه کې د جولای په ۱۵ مه د فتح الله ګولن ترهګریز سازمان  او موازي جوړښت  لخوا  د کودتا نه وروسته په نړۍ کې د ترکیې په اړه  د پیدا شوي منفي نظر  د لمنځه وړو په خاطر  یو ستر بهیر پیلیږي . د ترکیې د اقتصاد وزارت، د صادراتو مجلس  سوداګریزو خونو او اسهامو بازارونو د ټولنې سره په ګډه  د مارچ په ۲۷ مه د پيل کړي  تبلیغاتي  کمپاینونو نه  د هیواد  نامتو فوټبالرانو هم  د ملاتړ اعلان وکړ. په خبر کې راغلي دي چې  د ترکیې د انتالیا سپورت د فوټبال لوبډلې  کپټان ایتو  او د ګالاتا سرای  نامتو  لوبغاړي  پودولسکي او شنایدر  پدې کمپاینونو کې  مهم  رول  لوبوي. ددې سربیره  پدې تبلیغاتي  اعلانونو کې به  په ترکیه کې د فعالیت کوونکو ۱۶ نړۍوالو شرکتونو  مشران هم  خپل نظریات وړاندې کړي. د ویلو ده د تبلیغاتي اعلان په خاطر جوړ شوی  لنډ  فلم  « د بهرنیو دوستانو په ژبه  ترکیه »  د جملې سره  پیلیږي. دا تبلیغاتي  اعلان به  په جرمني، امریکا، روسیه، انګلستان، فرانسې، ایټالیا او عربي متحده ایالتونو کې نشر شي.

د حرییت ورځپاڼې  «  ځايي او ملي ټکنالوژۍ ته ځانګړې توجه  »  د سرلیک لاندې لیکلي دي، د ترکیې خصوصي مخابراتي  شرکت  ترک سل  چې  د ۵ جي تکنالوژۍ په خاطر  د ۲۰۱۵ کال راهیسې د هاوايي  د شرکت  سره  په ګډه  کار کوي د همکارۍ د کچې  د لوړولو پریکړه وکړه. دواړه شرکتونه به  د نوموړې همکارۍ په چوکاټ کې  ځايي تکنالوژي  تولید ته  زور ورته کړي. ترک سل  شرکت  د هاوايي شرکت سره  پدې اړه  تړون د ترکیې د ټرانسپورت سمندري چارو او معلوماتو د وزیر احمد ارسلان په حضور کې لاسلیک کړ.

د وطن ورځپاڼې  « د بندیزونو سره سره د ترکش ایرلایین  ستر بریالیتوب »  سرلیک لاندې لیکلي دي  امریکا متحده ایالتونو  د استانبول په ګډون  د نړۍ د ۸ هیوادونو د لسو هوايي ډګرونو نه  په مخامخ الوتنو کې  د موباییل ټیلیفون نه پرته په نورو الکترونیکو وسایلو  د انتقال  بندیز ولګو. د نوموړي بندیز سره  اټکل شوی وو چې د ترکیې د ملکي هوايي چلند شرکت  ترکش ایرلایین  مساپرو شمیره به راټیټه شي خو ددې پر خلاف  لا زیاته شوه. ترکش ایرلایین ویلي دي چې د استانبول نه  نیویارک ته يي په الوتنو کې د تیرې اپریل په میاشت کې د مساپرو شمیره  ۲ عشاریه ۵ سلنه  لوړه شوې ده. ترکش ایرلایین شرکت پدې اړه ځینې  تدابیر نیولي وو چې  دې بندیزونو پرې  بده اغیزه ونکړه.

د ینې شفق ورځپاڼې  « ترکي ډرامو مینه وال د هرې ورځې په تیریدو سره  مخ په ډیریدو  دي  »  د سرلیک لانډې لیکلي دي، پدې وروستیو کلونو کې  د منځني ختیځ نه نیولې تر بالکان هیوادونو تر سویلي امریکا ، هندوستان او سینګاپوره پورې د نړۍ په لویه برخه کې  د ترکي ډرامو په نشرولو  پيل شوی دی . ترکي ډرامو  د نړۍ په لویه برخه کې  په سلګونو میلیونه تنه مینه وال موندلي دي. هندوستان چې په نړۍ کې د سینما  په برخه کې ځانګړې  ځای لري پدې هیواد کې هم  ترکي ډرامو په خپرولو پيل شوی دی.