د ترکیې د ورځپاڼو سرټکي

د سټار ورځپاڼې  « هغه څوک چې په لاسونو کې  بمونه او وسلې لري او هغه څوک چې ډالر احتکاروي  ګډ  هدف لري  »  د سرلیک لاندې لیکلي دي ، د ترکیې ولسمشر رجب طیب اردوغان  د اسعارو په بازارونو کې  د ډالرو پر وړانډې د ترکي لیرو د بیې د راټیټیدو نه  په ترکیې  د اقتصادي  بریدونو په توګه یادونه وکړه. ولسمشر اردوغان پرون  یو ځل بیا د ولسمشرۍ په ماڼۍ کې  د هیواد د ګذر وکیلانو سره  لیدنه وکړه. هغه  د ګذر وکیلانو ته په وینا کې وویل « هغه څوک چې په لاسونو کې او بمونه لري  او هغه  څوک چې  د ډالرو او ایرو  احتکار کوي  ګډ هدف لري او دواړه  یو شان  ترهګر  دي. د دواړو موخه  ترکیه په ګونډو کول دي. ترکیه د خپلو اهدافو او موخو نه  لرې کول دي. »

ولسمشر اردوغان وویل چې  نن  ورځ د ترکیې پر خلاف  جدي لوبې روانې دي. هغه وویل لکه څرنګه چې  د جولای د ۱۵ مي کودتا نه سمدلاسه وروسته  د ترکیې پر خلاف اقتصادي بریدونه پیل شول او د ترکیې میړانه ملت يي  مخه ونیوله  یو ځل بیا د ټولو نه پدې اړه  د ګامونو د اوچتولو غوښتنه کوم.

د صباح ورځپاڼې  « د نړۍ مهم  پانګه وال په استانبول کې راټولیږي»  د سرلیک لاندې لیکلي دي، په نړۍ کې د ۵۰ میلیاردو ډالرو سرمایې خاوندان پانګه وال په استانبول کې سره راټولیږي. په خبر کې راغلي دي چې د نړۍ مهم  سوداګر د فبروري د میاشتې په ۱۳ مه نیټه  ترکیې ته راځي. په خبر کې راغلي دي چې د فبروري په ۱۳ مه نیټه  استانبول  د پانګه والو د مهمې غونډې کوربه توب کوي. پدې غونډه کې به د نړۍ د ۷۵ هیوادونو نه پانګه وال  ګډون وکړي. دا غونډه به د ترکیې متشبصین  د نړۍ د مهمو پانګه والو سره  اشنا کړي. غونډه  د لندن د اسهامو د بازار په مالي مرسته جوړیږي. په سږنۍ  غونډه کې به  د خلیج د هیوادونو مهم  پانګه وال هم ګډون وکړي.

د خبرترک ورځپاڼې  «  په ترکیه کې پانګه والو تابعیت ورکول کیږي  »  د سرلیک لاندې لیکلي دي په ترکیه کې د تابعیت په قانون کې  اصلاحات  تیره ورځ په رسمي جریده کې خپاره شول. د نوموړو  اصلاحاتو له مخې  ددینه وروسته په ترکیه کې  هغه کسانو ته چې دوه میلیونه ډالره پانګه اچونه وکړي ، یا د یو میلیون ډالرو په ارزښت غیرې منقول اموال لکه کور یا دوکان  وپيري یا  درې میلیونه ډالره بانکي حساب  پرانیزي  د ترکیې تابعیت ورکول کیږي. همداشان هغه کسانو ته  چې  ۱۰۰ تنو ته د کار زمینه برابره کړي  هم  د ترکیې تابعیت ورکول کیږي. د پانګه والو میرمنو او ماشومانو ته هم  تابعیت ورکول کیږي.

د ینې شفق ورځپاڼې  لیکلي دي ترکیې  د روسیې سره  په سوریه کې د روانو عملیاتو په ترڅ کې   د الوتنو د امنیت  او هر ډول احتمالي  پیښو  د مخنیوي په خاطر  په پلازمینه مسکو کې  تفاهم لیک  لاسلیک کړ.

د ترکیې لوی درستیز د دفتر لخوا په خپر شوې خبرپاڼه کې ویل شوي دي چې د ترکیې د وسله والو ځواکونو  یو هیت  د مسلې اړوند  د روسیې د پوځ سره  په مسکو کې  غونډه وکړه.

د غونډې نه وروسته  د ترکیې او روسیې  د وسله والو ځواکونو د هیتانو ترمنځه  په سوریه کې  د روانو عملیاتو پر مهال  د الوتنو د امنیت او احتمالي پیښو د مخنیوي اړوند تفاهم لیک  لاسلیک شو.

په خبرپاڼه کې راغلي دي چې پدې غونډه کې  په سوریه کې  د ترهګریزو سازمانونو په پر خلاف د هوايي بریدونو پر مهال ،  د روسیې  او ترکیې د جنګي الوتکو ترمنځه  د هر ډول  احتمالي  پیښو  د مخنیوي په خاطر ، د روسیې او ترکیې د هوايي ځواکونو ترمنځه د الوتنو د امنیت په اړه د کوردیناسیون او همکارۍ  میکانیزم  جوړ شو.

د حرییت ورځپاڼې  «  د مستندو فلمونو نهمه سیالي  جوړیږي  »  د سرلیک لاندې لیکلي دي د ترکیې ملي راډیو تلویزیون  ټي آر ټي  د نهم  ځل لپاره  د ټي آر ټي د مستندو فلمونو فیستیوال جوړوي. په خبر کې راغلي دي چې  په فیستیوال او سیالۍ کې د ګډون په خاطر  په وړاندیزونو پیل شوی دی . په فیستیوال کې د ګډون په خاطر وړاندیزونه  د فبروري د میاشتې تر ۳ یمې نیټې  منل کیږي. د ویلو ده چې  پدې ددې سیالۍ ګټوونکي  دوه فلمونه به د مې په ۱۱ مه  نیټه  د مستندو فلمونو مینه والو سره په ننداره کیښودل شي. همداشان  د مې په ۱۵ مه نیټه  به  د سیالۍ ګټوونکي مستند فلم ته  جایزه ورکړ شي.

د فیستیوال په اړه  زیات معلومات کولی شي  د trtbelgesel.com   د ادرس نه  ترلاسه کړۍ.