د ترکیې د ورځپاڼو سرټکي

د وطن ورځپاڼې  « دښمنان د ترکیې وده او پرمختګ زغملی نشي  »  د سرلیک لاندې لیکلي دي، د ترکیې ولسمشر رجب طیب اردوغان  تیره ورځ  د ولسمشرۍ په ماڼۍ کې  د هیواد د ولسوالانو سره  لیدنه وکړه. ولسمشر اردوغان  ولسوالانو په وینا کې وویل «نوي ترکیه به  د تاسو سره په ګډه  جوړوو. ترکیه د داخل او خارج نه  د ډیرو سختو بریدونو لاندې قرار لري. ترکیه ځکه  د بریدونو لاندې ده  چې  د هرې ورځې په تیریدو سره  وده او پرمختګ کوي. لا په یو قوي هیواد بدلیږي. دښمنان د ترکیې قوت او طاقت  زغملی نشي. د همدې امله په ترکیې  بریدونه کوي. »

د ینې شفق ورځپاڼې  «  د سوریې په عملیاتو کې ملکي کارکوونکې هم ګډون کوي » د سرلیک لاندې لیکلي دي ، د ترکیې د ملي دفاع وزیر فکري اشق وویل چې « په سوریه کې  د ترکیې د وسله والو ځواکونو لخوا په روانو عملیاتو کې  به  ملکي کارکوونکي  هم ګډون وکړي. په سوریه کې د روانو عملیاتو په لړ کې  تر ننه پورې  څه باندې ۲۰۰۰ کیلومتره  سیمه  د ترهګرو نه تصفیه شوې ده . د داعش ترهګرې ډلې نه  په تصفیه شوو سیمو کې  د بیارغونې  په خاطر  د ګامونو په اوچتونو پيل شوی دی . پدې چارو کې  به  د ترکیې ملکي کارکوونکي هم برخه واخلي.

د صباح ورځپاڼې  « بهرني پانګه وال په ترکیې پوره باور لري »  د سرلیک لاندې لیکلی دي ، په ترکیه کې  د ترکي لیرو پر وړاندې  د بهرني اسعارو د بیې د لوړیدو  او احتکاري  بریدونو او هڅو سره سره  بهرني  پانګه وال په ترکیې پوره باور لري. په خبر کې راغلي دي چې تیره ورځ  د ترکیې د خزانې ادارې لخوا په داوطلبۍ کې  د نړۍ مهمو پانګه والو ګډون کړی وو. همداشان د جنوري په ۲۶ مه نيټه  د چناک کلا ولایت  پل  پروژه  داوطلبۍ  ته  وړاندې کیږي. وار د مخه  د سویلي کوریا، جاپان، چین، ايټالیا او متحده عربي اماراتو  د نوموړې  پروژې په خاطر  وړاندیزونه  وړاندې کړي دي.

په خبر کې راغلي دي چې  د برازیل هیواد نامتو شرکت  BRF د ترکیې د د بانویت د چرګاټو  د شرکت  ۷۹ عشاریه ۴۸ سلنه برخه  وپیروده. همداشا  د متحده عربي اماراتو  ګولف نویګیشن  شرتک  د ترکیې د پولیمار د سمندري چارو د شرکت  سره  په ګډه  کار پیل کړ.

د حرییت ورځپاڼې  «  واشنګټن پوست : امریکا د ترکیې سره  لا زیاته مرسته کوي  » د سرلیک لاندې لیکلي دي د امریکا د واشنګټن پوست ورځپاڼې  ویلي دي چې  امریکا  په پام کې لري  د ترکیې سره د سوریې د الباب په سیمه کې د داعش پر خلاف د روانو عملیاتو په برخه کې  لا زیاته مرسته وکړي.

ورځپاڼې لیکلي دي چې امریکا  د ترکیې سره د لا زیاتو مرستو په خاطر  په سیمه کې د هوا نه په استخباراتي کشف  پيل کړی. امریکا به  ددینه وروسته په منظمه  توګه  د ترکیې سره  استخبارات  شریک کړي.

ورځپاڼې  لیکلي دي د امریکا لخوا د ترکیې سره  د مرستو د زیاتو پریکړه د دواړو هیوادونو ترمنځه  د روانو لیدونو کتنو  او مذاکراتو او د روسيې لخوا د الباب په سیمه کې د ترکیې نه د ملاتړ کولو نه وروسته  وکړه.