د ینې شفق ورځپاڼې  «  ترکیه به په عراق کې خپل شتوالي ته دوام ورکړي » د سرلیک لاندې لیکلي دي د ترکیې لومړي وزیر بنعلي ییلدرم  د عراق په شمال کې د موصل د ښار د بعشیقه په سیمه کې د ترکیې د وسله والو ځواکونو  د پاتې کیدو په اړه غوڅ پیغام ورکړ.

د هیواد لومړي وزیر سوداګریزو خونو او اسهامو د ټولنې د سوداګرۍ  او صنایعو د شورا په غونډه کې  د مسلې په اړه ارزونې وکړې. لومړي وزیر ییلدرم وویل چې  « نن وءځ  د نړۍ  د ۶۳ هیوادونو ځواکونه په عراق کې موجود دي. ترکیې هم د داعش ترهګرې ډلې  پر خلاف د مبارزې په موخه  او هم  د خپل هیواد د امنیت  په خاطر  عراق ته وسله وال ځواکونه استولي دي. ترکیه به د داعش پر خلاف د مبارزې او د سیمې د قومي ساختارونو د بدلونو د مخنیوي په خاطر  په عراق کې خپل شتوالي ته دوام ورکړي. که د عراق حکومت  هر څومره  مخالفت وکړي  ترکیه په عراق کې خپل شتوالي ته دوام ورکوي.

هغه وویل تر کومه چې د عراق دولت  د پې کاکا ترهګرې ډلې په اړه غوڅ تدابیر ونه نیسي  ترکیه د سیمې نه نه جلا کیږي. هغه وویل چې په عراق کې د ترکي ځواکونو د موجودیت  په اړه  جنجال جوړول  د وخت ضایع کول  دي.

د صباح ورځپاڼې  « ترکیه د انرژۍ په مسله کې په صحي لار روانه ده  او وده کوي » د سرلیک لاندې لیکلي دي دا څرګندونې  د ترکیې د انرژۍ او طبعي زیرمو وزیر برات البیرق  د هیواد د ادانا په ولایت کې د انرژي سا شرکت لخوا د ۱۴ ولایتونو لپاره جوړ کړی  د معلوماتو  د عمومي مرکز  د پرانیستو په مراسمو کې وکړې.

هغه وویل چې ترکیه د چین نه وروسته د انرژۍ په برخه کې  د ۴ عشاریه ۵ سلنې ودې سره  د نړۍ تر ټولو  په چټکه توګه وده کوونکی دویم هیواد دی. ترکیې د انرژۍ په برخه کې  ډیر ګټور سیاست غوره کړی  او ودې ته دوام  ورکوي. ترکیه به د انرژۍ په برخه کې یو زیات شمیر مهم  نور ګامونه هم اوچت کړي.

د حرییت ورځپاڼې  لیکلي دي د نړۍ د نامتو د رولس رویس د شرکت ریس  وارن ایست د ولسمشر رجب طیب اردوغان  او لومړي وزیر بنعلي ییلدرم سره  لیدنه وکړه. د ترلاسه شوو معلوماتو له مخې  ایست  پدې لیدنه کې په ټینګار سره  ترکیې ته شراکت او په ګډه د ماشینونو د تولیدولو وړاندیز کړی دی .

ویل کیږي  ایست پدې لیدنه کې ویلي دي چې غواړي په نړۍ کې د خپلو تولیداتو  اتم  لوی  مرکز  په ترکیه کې جوړ کړي . نوموړي  د ترکیې لخوا په ملي امکاناتو جوړیدونکي  د جنګي الوتکو په پروژه کې د برخه اخیستو  غوښتنه کړې ده . هغه ترکیې ته  د الوتکو ماشین په کامله توګه په ترکیه کې د تولید  وړاندیز کړی دی .

د خبرترک ورځپاڼې  لیکلي دي د ترکیې  د روغتیا وزارت  د حجراتو د تعویض  ادارې  د لومړي ځل لپاره  د هیواد نه بهر  د حجرې په انتقال سره د یو ماشوم  ژوند وژغوره.

د ترکیې  د حجراتو د تعویض ادارې د یو دوه کلن  هندي  ناروغ  لپاره  د نړۍ په ۵۷ هیوادونو کې  د مناسبو حجرو د موندولو په برخه کې څیړنې وکړې.

د ترکیې د حجراتو د تعویض ادارې  د نوموړي هندي ماشوم لپاره د ترکیې د سکاریا په ولایت کې مناسبه  حجره د موندولو نه وروسته  هندوستان ته واستوله.

د سټار ورځپاڼې  « ترکیې د ملي نڅا د فیستیوال په سیالیو کې اتلولي  وګټله »  د سرلیک لاندې لیکلي دي  د سویلي کوریا د چیونان په ښار کې جوړ شوي  د ملي ناڅاګانو د فیستیوال په سیالیو کې  ترکیې  لومړی مقام خپل کړ.

د ترکیې لخوا پدې فیستیوال کې ګډون کوونکو د په زړه پورې نڅا سره  د شلو هیوادونو په منځ کې  لومړی مقام  خپل کړ.