Ердоған Израильдің Газадағы ауруханаға шабуылын айыптады
Президент Ердоған қанды шабуылдан кейін әлеуметтік желідегі парақшасында Израильді айыптаған мәлімдеме бөлісті.
Президент Режеп Тайып Ердоған Израильдің Газадағы Әл-Ахли баптистер ауруханасын бомбалауына байланысты мәлімдеме жасады.
Президент Ердоған: «Мен барша адамзатты тарихта бұрын-соңды болмаған бұл қатыгездікті тоқтату үшін әрекет етуге шақырамын» деді.
Президент Ердоған қанды шабуылдан кейін әлеуметтік желідегі парақшасында мәлімдеме бөлісті.
Ердоғанның мәлімдемесінде: "Әйелдер, балалар және жазықсыз бейбіт тұрғындар бар ауруханаға шабуыл жасау - Израильдің ең қарапайым адами құндылықтардан ада шабуылдарының соңғы үлгісі. Мен бүкіл адамзатты Газадағы тарихта бұрын-соңды болмаған қатыгездікті тоқтату үшін әрекет етуге шақырамын" деп көрсетілді.
Алғашқы болжамға негізделгенде Израильдің Газадағы Әл-Ахли баптистер ауруханасын бомбалауы салдарынан 500 адам қаза тапқаны білдірілді.
Газадағы Денсаулық сақтау министрлігінің баспасөз хатшысы Ашраф әл-Кудра бомбалау кезінде 500 адамның қаза тапқанын айтты.
Қайтыс болғандардың басым бөлігі сәбилер, балалар мен әйелдер екені хабарланды.
Палестина президенті Махмуд Аббас оқиғадан кейін 3 күндік аза тұту жариялады.
Ұқсас жаңалықтар
Алтун Түркия-Австрия жұмыс күші келісімінің маңыздылығына тоқталды
Фахреттин Алтун Түркия-Австрия жұмыс күші келісімінің 60 жылдығына арнайы мақала жазды.