Зілзала аймағындағы іздеу-құтқару жұмыстары жалғасуда
Құлаған ғимараттардың үйінділері астында қалған азаматтарды құтқару жұмыстары тоқтаусыз жалғасуда.
![Зілзала аймағындағы іздеу-құтқару жұмыстары жалғасуда](http://cdn.trt.net.tr/images/xlarge/rectangle/48f0/c7ad/e700/63e4d5c91d705.jpg?time=1719156128)
Жер сілкінісінен қаза тапқандар саны 18 мың 342-ге жетті.
Аймақта 30 мың 306 іздеу-құтқару қызметкері жұмыс істеп жатыр.
6 ақпанда эпицентрі Кахраманмараш болған және 10 аймақты қамтыған жер сілкінісінен қаза тапқандар саны 18 мың 342-ге жетті.
Апат және төтенше жағдайлар басқармасының (AFAD) мәлімдемесіне қарағанда эпицентрі Кахраманмараштағы жер сілкінісінен сағат 8.30-да 18 мың 342 адам қаза тауып, 74 мың 242 адам жарақат алды.
Құлаған ғимараттардың үйінділері астында қалған азаматтарды құтқару жұмыстары тоқтаусыз жалғасуда.
Аймақта 30 мың 306 іздеу-құтқару қызметкері жұмыс істеп жатыр. Оның 6 мың 810-ы басқа елдерден келгендер.
Жергілікті қолдау топтарынан тағайындалған далалық қызметкерлер санымен қоса аймақта жұмыс істеп жатқан қызметкерлердің саны 121 мың 128-ге жетті.
AFAD, Отбасы және әлеуметтік қызметтер министрлігі және Түрік Қызыл жарты ай қоғамы тарапынан жер сілкінісінен қатты зардап шеккен 10 қалаға 137 мың 973 шатыр мен 1 миллион 507 мың 494 көрпе жөнелтіліп, 97 мың 973 отбасылық шатырдың орнатылуы аяқталды.
Килис пен Шанлыурфада іздеу-құтқару жұмыстарының аяқталып, Диярбакыр, Адана және Османиеде де үлкен көлемде аяқталғаны хабарланды.
Ұқсас жаңалықтар
![Ирактың солтүстігінде PKK-лық 4 террорист залалсыздандырылды](http://cdn.trt.net.tr/images/medium/rectangle/0f58/61b4/d37d/5f800345c2e8d.jpg?time=1719156129)
Ирактың солтүстігінде PKK-лық 4 террорист залалсыздандырылды
Ұлттық Қорғаныс министрлігі әуе операциясы туралы мәлімдеме жасады.