Президент Ердоған Абэмен сөйлесті

Президент Режеп Тайып Ердоған Жапония премьер-министрі Синдзо Абэмен телефон арқылы сөйлесті.

Коммуникация басқармасының  мәлімдемесіне сәйкес, президент Ердоған денсаулығына байланысты премьер-министрлік қызметінен біраз уақыттан кейін кететінін мәлімдеген Абэге игі тілектерін жеткізді және оның тезірек сауығып кетуін тіледі.

Абэ Түркия-Жапония қарым-қатынасына қосқан маңызды үлесі үшін Ердоғанға алғыс білдіріп, екі елдің осыдан кейін қарым-қатынастарын нығайту жолында алға басуды жалғастыратынына сенетінін айтты. 

Телефон әңгімесінде Түркия мен Жапония арасындағы ынтымақтастықты барлық салаларда тереңдету туралы бірнеше рет қабылдаған міндеттемелер мен осы бағытта нақты қадамдар жасалуы талқыланды.