Чавушоғлұ Могеринимен телефонда сөйлесті

Сыртқы істер министрі Мәвлүт Чавушоғлұ Федерика Могеринимен телефон арқылы сөйлесті.

Сыртқы істер министрі Мәвлүт Чавушоғлұ Еуропа Одағының қауіпсіздік және сыртқы істеріне жауапты мәртебелі өкілі Федерика Могеринимен телефон арқылы сөйлесті.

Дипломатиялық қайнар көздерден алынған мағлұматтарға қарағанда Чавушоғлұ мен Могеринидің телефондағы әңгімелерінде Түркия-Еуропа Одағы қарым-қатынастарымен қатар Сирия және Иракты қамтыған аймақтық оқиғалар қолға алынды.

Могерини бүгін Люксембургте Еуропа Одағының 28 елдің сыртқы істер министрлерінің басын қосты. Сонымен қатар Могерини  екі күн жалғасатын Еуропа Одағы сыртқы істер кеңесі жиналысы қарсаңында жасаған мәлімдемесінде Түркиямен аймақтық тақырыптарда ынтымақтастықты арттыру жөнінде жұмыстар жасағандарын білдірді.