Қазақстандағы су тасқынында мыңдаған адам эвакуацияланды
ҚР Төтенше жағдайлар министрлігі су тасқыны туралы мәлімдеме жасады.
Қазақстанда көктемнің келуімен еріген қар Ақтөбе мен Қостанай қалаларында су тасқынына әкеп, мыңдаған адам тікұшақ және қайықтармен эвакуацияланды.
Қазақстанда ауа райы жылынып, еріген қар суы елдің солтүстік, батыс және шығыс бөлігінде су тасқынына әкелді. Тасқыннан қатты зардап шеккен Ақтөбе мен Қостанай қалаларында өзен арнасынан тасып, кейбір елді мекендерді су басты.
Үйлерін тастап кетуге мәжбүр болған мыңдаған тұрғын әскери тікұшақтар және жылдам қайықтар арқылы қауіпсіз аймаққа көшірілді.
ҚР Төтенше жағдайлар министрлігі таратқан мәлімдемеде су тасқынының салдарын жою жұмыстары жалғасып жатқаны айтылып, Ақтөбеде 21 наурыз күнінен бері кемінде 500 мың текше метр су сорылғаны атап көрсетілді. 50 мыңнан астам құм салынған қаптар қойылды.
Су тасқынынан зардап шеккен Ақтөбе әуежайында су сору жұмыстары аяқталып, су басқан аумақтарда қалған жүздеген үй жануарларының қауіпсіз аймаққа жеткізілгені айтылды.
Ұқсас жаңалықтар
Ильхам Әлиев пен Энтони Блинкен сөйлесті
Энтони Блинкен Әзербайжан мен Армения арасында жасалған келісімді қолдайтындарын білдірді.
