Транскаспий дәлізінің әлеуетін дамытады

Қазақстан мен Әзербайжан Транскаспий дәлізінің әлеуетін дамытуда.

Қазақстанның Индустрия және инфрақұрылымдық даму министрі Марат Қарабаев 40-тан астам қазақстандық көлік-логистикалық ұйымының өкілінен тұратын делегациямен бірге әзербайжандық серіктестермен екіжақты кездесу өткізу үшін Бакуге барды.

ҚР Индустрия және инфрақұрылымдық даму министрі Марат Қарабаев пен Қазақстанның Әзербайжандағы елшісі Әлім Байел Әзербайжанның Цифрлық даму және көлік министрі Рашад Набиевпен кездесті.

Кездесу барысында Орта дәліз аясында жүк тасымалдау және логистиканы құру мәселелері талқыланды.

Тараптар Транскаспий халықаралық көлік бағытының әлеуетін жоғары бағалап, осы саладағы әріптестікті тереңдетуге өзара мүдделі екендерін қуаттады.

Екінші жағынан, қазақ делегациясы Баку халықаралық сауда порты Алят, Ховсан порты, Баш-Алат вокзалы, Баку кеме жасау нысаны, «Абшерон» логистикалық орталығы сияқты бірқатар нысандарды аралап, олардың жұмысы туралы ақпарат алды.