Қазақстан мен Сауд Арабиясы арасындағы ынтымақтастық қолға алынды
Президент Қасым-Жомарт Тоқаев Сауд Арабиясынан келген ресми қонақты қабылдады.
Қазақстан Республикасының Президенті Қасым-Жомарт Кемелұлы Тоқаев елорда Астанада Сауд Арабиясының Қоршаған ортаны қорғау, су және ауыл шаруашылығы министрі Абдулрахман әл-Фадлиді қабылдады.
Кездесу барысында Тоқаев Фадли сапарының екі ел арасындағы көп жақтылы қарым-қатынасқа практикалық серпін беретінін айтты.
Жиддаға соңғы сапары барысында Сауд Арабиясының тақ мұрагері Мұхаммед бин Салманмен кездесуін еске салған Тоқаев «Біз тығыз ынтымақтастық пен елдеріміз арасындағы қарым-қатынастарды одан әрі нығайту туралы келістік» деді.
Фадли де Сауд Арабиясының мұрагер ханзадасы Салманның Қазақстанмен өзара тиімді ынтымақтастықты кеңейту жөніндегі міндеттемелерін жеткізді.
Фадли әсіресе азық-түлік қауіпсіздігі мәселесіне тоқталды.
Фадли «Азық-түлік қауіпсіздігі – бүгінде бүкіл әлем үшін үлкен мәселе. Біз Қазақстанның осы салада маңызды ойыншы болуға толық мүмкіндігі бар деп есептейміз» деп көрсетті.
Кездесу барысында тараптар сауда-экономикалық ынтымақтастығымен қатар ауыл шаруашылығы және туризм салаларындағы ынтымақтастық мүмкіндіктерін талқылады.
Ұқсас жаңалықтар
Ильхам Әлиев пен Энтони Блинкен сөйлесті
Энтони Блинкен Әзербайжан мен Армения арасында жасалған келісімді қолдайтындарын білдірді.