Шуша "Жаһандық медиа форумы" аяқталды

Қарабахтың Шуша қаласында өткен «4-ші өнеркәсіптік төңкеріс кезеңіндегі жаңа медиа» атты Жаһандық медиа форумға қатысушыларға Әзербайжан мәдениеті таныстырылды.

Әзербайжан Президентінің кеңесшісі Хикмет Гаджиевпен бірге қаланы аралаған қатысушыларға 2023 жылғы түркі әлемінің мәдени бас қаласы Шушаның өзіндік сәулеттік стилі, Әзербайжан халқының ұлттық және мәдени мұрасы туралы мағлұмат берілді.

Басқыншылық кезінде армяндардың тарихи-мәдени құндылықтарға келтірген зияны туралы мәлімет алған қатысушылар Шушада жүргізілген қалпына келтіру және қайта салу жұмыстарын тамашалауға мүмкіндік тапты.

Ашағы Гөвхераға және Юкары Гөвхераға мешіттерін аралаған қатысушыларға Шуша азат етілгеннен кейін мешіттерге басқыншылық кезінде келтірілген зиянның іздерін жою үшін жүргізілген жұмыстар таныстырылды.

19-ғасырда салынған Казанджы шіркеуінде жүргізілген қалпына келтіру жұмыстарын да тамашалаған қатысушыларға Әзербайжан үкіметінің тек мешіттерді ғана емес, өзге діндерге тиесілі құрылыстарды да қалпына келтіргені атап көрсетілді.

Сапардан кейін қатысушыларға арналған кешкі қонақасыда Әзербайжан өнерпаздары музыка мен би қойылымдарын ұсынды.

50 елден 250-ден астам қатысушы қатысқан форум бүгін аяқталды.