Әлиев Әзербайжан халқын құттықтады

Әзербайжан Президенті Ильхам Әлиев Армения мен елінің арасындағы Таулы Қарабақ қақтығысына қатысты келісім бойынша сағат 00: 00-де (Түркия уақытымен) атысты тоқтату жарияланғанын хабарлады.

Әлиев өзінің халыққа жолдауында Әзербайжан, Армения және Ресей арасында бірлескен декларацияға қол қойылғанын мәлімдеді және декларацияның баптарын оқыды. Ол  келісімге сәйкес әскери операциялар тоқтап, Әзербайжан мен Армения өздерінің бақылауындағы позицияларда қалады деп мәлімдеді.

Әлиев Кельбаджар Әзербайжанға 15 қарашаға дейін, Ағдам облысы 20 қарашаға дейін, Лачин 1 желтоқсанға дейін қайтарылатынын мәлімдеді.

«Таулы Қарабах байланыс сызығы мен Лачин дәлізіне 1960 жеңіл қаруланған Ресей бітімгерлері мен 90 бронетранспортер орналастырылады» деді ол.  Әлиев Ресей бітімгершілерінің Таулы Қарабақта 5 жыл болатынын және егер тараптар қарсы болмаса, бұл мерзімді ұзартуға болатынын айтты.

Иммигранттардың үйлеріне оралатынын және тұтқындар мен мәйіттердің алмасылатынын айтқан Әлиев аймақтағы барлық экономикалық байланыстар мен көлік байланыстары қалпына келтіріліп, Әзербайжанның батыс провинциялары мен Нахчыван Автономиялық Республикасы арасындағы көлік дәлізі ашылатынын атап өтті.

Әлиев Түркия Президенті Режеп Тайып Ердоғанға қақтығыс кезінде оны қолдағаны үшін алғыс білдірді.

Президент арқасында оккупациядан азат болған аймақтар тұрғындары мен барлық Әзербайжан халқын құттықтады.

Әлиев барлық шейіттер мен Ходжалы құрбандарының кегі алынғанын баса айтты және бүкіл әлемге Әзербайжан халқының жеңілмейтін және темірдей ерік –жігерге ие екенін көрсеткендерін білдірді.