Ослода ең таңдаулы ұл бала есімі – Мұхаммед

Норвегияның бас қаласы Ослода ең таңдаулы ұл бала есімі – Мұхаммед.

Норвегия Статистика кеңсесінің деректеріне қарағанда, 2019 жылы Ослода өмірге келген ұл балаларға 11 жылдан бері болғандай ең көп қойылған есім Мұхаммед болды.

Норвегия көлемінде көп қойылған ұл бала есімі Джейкоп. Екінші кезекте – Лукас,  үшінші- Филип.

Ер балалардың 20 пайызына Інжілдегі «қасиетті кісілердің» аттарының берілуі назар аударды.

Мұхаммед 2017 жылы Швецияның Мальмо қаласында ең көп қойылған есім болды.  Сол жылы Ұлыбританияда да ең көп қолданылған есімдер тізімінде алғашқы ондыққа енді.