Миллер: АҚШ Израильді толық қолдайды

Америка Құрама Штаттары (АҚШ) шиеленісті артырудың Иранның, аймақтың немесе әлемнің мүддесіне емес екенін мәлімдеді.

АҚШ Сыртқы істер министрлігі баспасөз хатшысы Мэттью Миллер күнделікті баспасөз мәслихатында Таяу Шығыстағы шиеленістің күшею қаупіне алаңдаушылықтың жалғасқанын, әсіресе Иранның Израильге қарсы қорқытуларының үрей тудырғанын білдірді.

Миллер АҚШ-тың осы қауіптерге қарсы Израильді толық қолдайтынын мәлімдеді.

АҚШ Мемлекеттік хатшысы Энтони Блинкеннің бұл тақырыпта дипломатиясын жалғастырғанын және араларында ТР Сыртқы істер министрі Хакан Фидан да бар Қытай және Сауд Арабиясы Сыртқы істер министрлерімен әңгімелескенін атап көрсеткен Миллер еуропалық одақтастармен де байланыста екенін хабарлады.

Миллер Блинкеннің Иранға нақты бір жауап қайтаруды қалағанын атап «Шиеленістің күшеюі Иранның, аймақтың немесе әлемнің мүддесі емес» деді.

АҚШ Қорғаныс министрлігі (Пентагон) болса Израиль мен Иран арасындағы шиеленіс күшейген бір кезеңде Таяу Шығыстағы жағдайды «жіті» қадағалап отырғандарын мәлімдеді.

Пентагонның баспасөз хатшысы, генерал Патрик Райдер Израильмен тығыз байланыс орнатқан АҚШ-тың Иран мен өкілдерінен келетін қауіп-қатерге қарсы Израильдің қауіпсіздігін қамтамасыз ету туралы уәдесінің «тұрақты» екенін атап көрсетті.

Райдер АҚШ Қорғаныс министрі Ллойд Остиннің израильдік әріптесі Йоав Галлантпен телефон арқылы Таяу Шығыстағы жағдайды талқылағанын және АҚШ Орталық қолбасшылығы (CENTCOM) қолбасшысы генерал Майкл «Эрик» Курилланың да соңғы оқиғалардағы қауіптерді талқылау үшін Израильге барғанын білдірді.

Израиль 1 сәуір күні Дамаскідегі Иран елшілігіндегі консулдық ғимаратына әуе шабуылын жасады.

Шабуылда Иран Төңкеріс сарбаздары армиясының араларында 2 генерал да бар барлығы 7 мүшесі қаза тапқан болатын. Шабуылда 6 Сирия азаматы мерт болды.