Газа секторында 1 миллионға жуық жұқпалы ауру жағдайы анықталды
Кудра Біріккен Ұлттар Ұйымын «Газа халқын құтқару үшін әрекет етуге» шақырды.
2,3 миллион палестиналық тұратын Израиль жаулау астындағы Газа секторында 1 миллионға жуық жұқпалы ауру жағдайы анықталды.
Денсаулық сақтау министрлігінің баспасөз хатшысы Ашраф әл-Кудра жазбаша мәлімдемесінде Израильдің Газаға шабуылдарының 150 күннен бері жалғасып жатқанына назар аударды.
Кудра «Біз жұқпалы аурулардың миллионға жуық жағдайын анықтадық және емдеуге қажетті медициналық мекемелер жоқ. Басқыншы мемлекет Израиль қасақана індет пен жұқпалы аурулардың таралуына себеп болып, адам айтқысыз гуманитарлық және денсаулық апатын тудыруда» деді.
Кудра Израиль күштерінің ауруханалар мен денсаулық орталықтарын қиратқанын, медициналық қызметкерлерді өлтіргенін немесе қамауға алғанын және Газаның солтүстігіндегі жағдайдың әлдеқайда нашар екенін баса айтты.
Қажетті медициналық көмек көрсетілмеген жағдайда жағдайдың нашарлайтынын ескерткен Кудра Біріккен Ұлттар Ұйымын «Газа халқын құтқару үшін әрекет етуге» шақырды.
Израиль армиясының 7 қазаннан бері Газа секторына жасаған шабуылдарында 13 мың 430 баланы өлтіргені хабарланды.
Ұқсас жаңалықтар
Газа секторында қаза тапқандар саны 34 мың 454-ке жетті
Израильдің Газа секторындағы шабуылдарда соңғы 24 сағатта 66 палестиналық қаза тапты.
С.Корея басшысы халық армиясының 92-ші жылдығында үн қатты
Ким Чен Ын жауынгерлік қабілетін арттыру үшін офицерлерді көбірек оқыту керектігін білдірді.