Ресейге қарсы 13-ші санкция пакетін мақұлдады
Пакет 24 ақпанда ресми түрде бекітіледі.
Еуропа Одағы (ЕО) елдері Ресейге қарсы 13-ші санкция пакетін мақұлдады.
ЕО кезекті төрағасы Бельгия «Еуроодақ елдерінің елшілері Ресейдің Украинаға қарсы агрессиясына байланысты 13-ші санкциялар пакеті бойынша принципті келісімге келді» деп жариялады.
Бұл ЕО мақұлдаған ең ауқымды санкциялар пакеттерінің бірі екені білдірілді. Пакет 24 ақпанда ресми түрде бекітілетіні атап өтілді.
ЕО комиссиясының төрайымы Урсула фон дер Ляйен де былай деді: «Ресейге қарсы 13-ші санкция пакеті туралы келісімді құптаймын. Біз (Ресей Президенті Владимир) Путиннің соғыс машинасын әлсіретуді жалғастыруымыз керек».
Ляйен Ресейге қарсы санкциялар тізіміндегі адам мен ұйым санының 2 мыңға жеткенін және Ресейдің ұшқышсыз ұшатын аппараттарға қол жеткізуіне де кедегі болып отырғандарын айтты.
Жаңа пакетте санкциялар тізіміне 200-ге жуық тұлға мен ұйым қосылады деп жоспарланды.
Ұқсас жаңалықтар
Газа секторында қаза тапқандар саны 34 мың 454-ке жетті
Израильдің Газа секторындағы шабуылдарда соңғы 24 сағатта 66 палестиналық қаза тапты.
С.Корея басшысы халық армиясының 92-ші жылдығында үн қатты
Ким Чен Ын жауынгерлік қабілетін арттыру үшін офицерлерді көбірек оқыту керектігін білдірді.