Сирия мен Иракта АҚШ базаларына шабуыл жасалды

Сирияның шығысындағы Дейр-эз-Зор қаласындағы АҚШ күштері орналасқан Конико газ кешеніне шабуыл жасалды.

Конико газ нысанына құрлықтан құрлыққа атылатын қарулармен шабуыл жасалды.

Шабуыл кезінде қандай да бір зақым бар-жоғы белгісіз.

АҚШ армиясының Хасеке мен Дейр-эз-Зордағы базалары жыл басынан бері өндіріс орны белгісіз зымыран және камикадзе пилотсыз әуе көліктерімен жиі нысанаға алынуда.

Евфрат өзенінің шығысындағы Дейр-эз-Зор аймағы АҚШ қолдау көрсеткен бөлшектеуші террор ұйымы PKK/YPG-нің басқыншылығында болса, қала орталығына қоса, кейбір ауылдық аймақтар Асад режимі және Иран қолдауындағы топтардың бақылауында.

Екінші жағынан АҚШ Қорғаныс министрлігі (Пентагон) 20 қаңтар күні америкалық сарбаздар орналасқан Ирактағы Айн әл-Асад әскери базасына баллистикалық зымырандармен жасалған шабуылдың бұрынғыдан да ауқымды болғанын хабарлады.

Пентагон баспасөз хатшысының орынбасары Сабрина Сингх Ирактың Анбар уәлаятындағы АҚШ сарбаздары орналасқан Айн әл-Асад әскери базасына өткен аптаның соңында жасалған шабуыл туралы ақпарат бөлісті.

Сингх 7 қазан күнінен бері Ирак пен Сирияда АҚШ әскерлері орналасқан базаларға 143 шабуыл жасалғанын түсіндіріп, 20 қаңтар күнгі шабуылдың «бұрынғылармен салыстырғанда одан ауқымды шабуыл» екенін түсіндірді.

АҚШ Орталық қолбасшылығының (CENTCOM) интернет парақшасынан жасалған мәлімдемеде 20 қаңтар күні жергілікті уақытпен сағат 18.30-да Ирактың батысындағы Айн әл-Асад әскери базасына Иран қолдауындағы содырлар тарапынан көптеген баллистикалық зымыран ұшырылғаны атап көрсетілді.