Палестина бауырлас және дос елдердің қолдауын сұрады

Палестина Израильдің Халықаралық сотта «геноцид» қылмысымен айыпталуының тарихи бір оқиға екенін мәлімдеді.

Палестина Сыртқы істер министрлігі Оңтүстік Африканың Израильдің «геноцид» қылмысы үшін Халықаралық сотта сотталуын талап еткен өтініші нәтижесінде бүгін басталған іс туралы мәлімдеме жасады.

Мәлімдемеде кейбір елдердің Израильге «саяси, әскери және вето құқығы» сияқты жолдармен қолдау көрсетуі және халықаралық деңгейде «дәрменсіздіктің» бұл елді қылмыс пен геноцид жасауға итермелегені атап көрсетілді.

Палестинаның Оңтүстік Африканың Израильге қарсы сот ісінің сәтті болатынына сенімді екені атап көрсетілген мәлімдемеде бауырлас және дос елдер Оңтүстік Африка Республикасының Халықаралық қылмыстық сот процесіне қолдау беруге шақырылды.

Израильдің Газа секторындағы әрекеттерімен геноцид конвенциясын бұзғаны үшін Оңтүстік Африка Республикасы халықаралық сотқа берген іс бойынша уақытша шара қолдану талабына қатысты тыңдау процесі бүгін басталды.

Отырыстың бірінші күні Оңтүстік Африка Республикасы тарапының қорғаушы тобы Израильді Газа секторындағы палестиналықтарға қарсы саналы әрекеті оның геноцид ниетін дәлелдеді деп айыптады.

Халықаралық сот Біріккен Ұлттар Ұйымының (БҰҰ) келісімдері мен халықаралық келісімдеріне жататын мәселелерді шешу тақырыбында БҰҰ-ның сот органы ретінде қызмет етеді.