Жапониядағы жер сілкіністерінде қаза тапқандар саны 206-ке жетті
Исикава Аймақтық әкімшілігі мәлімдеме жасады.
Жапонияның батысындағы Исикава штаты және Ното түбегі жағалауында болған жер сілкіністерінен қаза тапқандар саны 206-ге жетті.
Исикава Аймақтық әкімшілігі жасаған мәлімдемеде айдың алғашқы күндерінде болған бірнеше жер сілкінісінен қаза тапқандар санының 206-ге жеткені хабарланды.
Мәлімдемеде 22 бөлек аймақта 26 мың адамның 400 эвакуация пунктінде тұрып жатқаны, штат бойынша жолдардың жабылуына байланысты 3 мың 100 адамның жолдарда амалсыздықтан күткені білдірілді.
Аймақ көлемінде жер сілкінісі салдарынан түрлі жарақат алған 567 адамның емделіп жатқаны атап көрсетілген мәлімдемеде із-түссіз жоғалған 52 адамды іздестіру жұмыстарының жалғасқаны хабарланды.
Жапония Қорғаныс министрі Кихара Минору аймақтағы іздеу-құтқару жұмыстарына 6 мың 300 Өзін-өзі қорғау күші қызметкерінің де қатысқанын хабарлады.
Жапония Метеорология агенттігі Ното түбегі мен Исикава аймағы жағалауында 1-4 қаңтар күндері аралығында магнитудасы 4 бен 7 балл аралығында өзгерген жер сілкіністері тіркелгенін хабарлаған еді.
Ұқсас жаңалықтар
Газа секторында қаза тапқандар саны 34 мың 454-ке жетті
Израильдің Газа секторындағы шабуылдарда соңғы 24 сағатта 66 палестиналық қаза тапты.
С.Корея басшысы халық армиясының 92-ші жылдығында үн қатты
Ким Чен Ын жауынгерлік қабілетін арттыру үшін офицерлерді көбірек оқыту керектігін білдірді.