Израильдің түнгі шабуылында 18 палестиналық қаза тапты

Израиль армиясының Газа секторының орталығы мен оңтүстігіндегі қалаларға түнде жасаған шабуылында кем дегенде 18 палестиналық қаза тапты.

Палестина ақпарат агенттігі «WAFA»-ның хабарлауынша Израиль әскери ұшақтары Газаның орталық бөлігіндегі Дейр әл-Белах және оңтүстігіндегі Хан Юнус қалаларына қоса, Газа секторындағы «Әл-Мегази» босқындар лагеріне шабуылды.

Израиль әскери ұшақтарының Дейр әл-Белах қаласы мен орталық аудандарға жасаған шабуылында көпшілігі бала мен әйел кем дегенде 18 палестиналықтың қаза тауып, ондаған адамның жарақат алғаны білдірілді.

Газа секторындағы «Әл-Мегази» босқындар лагеріне жасалған шабуылдарда болса қаза тапқандар мен жараланғандар бар екені хабарланды.

Басқыншы армияға тиесілі пилотсыз әуе көлігі Хан Юнус қаласындағы Газа-Еуропа ауруханасының ауласы мен қаладағы Ғылым және технология факультетінің ғимаратын бомбалады.

Хамастың қарулы қанаты Иззеддин әл-Кассам бригадасы 2023 жылы 7 қазан күні «Палестиналықтар және Әл-Ақса мешітінен бастап қасиетті орындарға бағытталған шабуылдарға жауап» ретінде Израильге ауқымды бір шабуыл жасаған еді.

Израиль үкіметі 7 қазан күнгі шабуыл кезінде 1200 израильдіктің қаза тауып, 5 мың 132 адамның жараланғанын жариялады.

Газа секторына Израиль жасаған шабуылдарда кемінде араларында 10 мың бала мен 7 мың әйел, барлығы 22 мың 835 палестиналық қаза тапты. Үйінді астында мыңдаған өлік бар екені хабарланды.

Израиль армиясы 7 қазан күнінен бері 510 сарбазының қаза тапқанын мәлімдеді.

Қақтығыс кезінде қабылданған «атысты тоқтату» кезінде 81 израильдік пен 240 палестиналық тұтқын өзара босатылды.

БҰҰ Израильдің 7 қазан күнінен бері Газа секторына шабуылдары салдарынан 2,3 миллион адамнан 1,9 миллионның босқынға айналғанын хабарлады.