Израиль Газадағы ауруханаларға шабуыл жасаған

Адам Құқықтарын бақылау ұйымы Израильдің Газадағы ауруханаларға жасаған шабуылдарын «соғыс қылмысы» ретінде тергеуге шақырды.

Ұйым өз баяндамасында Израиль армиясының «медициналық мекемелерге, қызметкерлерге және көліктерге заңсыз шабуылдары Газаның денсаулық сақтау жүйесін одан әрі жойып жіберді және соғыс қылмысы ретінде тергелуі керек» деп мәлімдеді.

Ұйым басып алынған Палестина территориясы жөнінде тәуелсіз халықаралық комиссия мен Халықаралық қылмыстық сотты тергеуге шақырды.

Мәлімдемеде «Израиль армиясының 2023 жылдың 5 қарашасында «Хамас ауруханаларды пайдаланды» деген мәлімдемесіне қарамастан, ұсынылған ешбір дәлел ауруханалар мен жедел жәрдем көліктерінің халықаралық гуманитарлық құқық бойынша қорғалатын мәртебесінен айыруын ақтай алмайды» делінген.

Адам Құқықтарын бақылау ұйымы  7 қазан мен 7 қараша аралығында Индонезия ауруханасы, әл-Ахли ауруханасы, халықаралық көз күтімі орталығы, түрік-палестина достығы ауруханасы және Иерусалим ауруханасына немесе оның маңындағы шабуылдарды зерттеді.