Әл-Безм: "1 миллион 600 мыңнан астам палестиналық босқынға айналды"
Газа секторы Ішкі істер министрлігінің баспасөз хатшысы Ияд әл-Безм мәлімдеме жасады.
Израильдің 7 қазан күнінен бері қоршаудағы Газа секторына жасаған шабуылдары салдарынан 1 миллион 600 мыңнан астам палестиналық босқынға айналды.
Газа секторы Ішкі істер министрлігінің баспасөз хатшысы Ияд әл-Безм баспасөз мәслихатында Израильдің Газа қаласы тұрғындарын қоныс аударту үшін босқын орталықтары мен ауруханаларды нысанаға алғанын атап көрсетті.
Безм «Израильдің Газа секторына жасаған шабуылдары нәтижесінде 1 миллион 600 мыңнан астам палестиналық босқынға айналды» деді.
«Басқыншылардың соңғы екі күнде халықаралық деңгейде тыйым салынған ақ фосфор бомбаларын қолдануды күшейткенін» атап көрсеткен Безм «ар-ұжданы» бар адамдарды Газа секторындағы соғысты тоқтату үшін Израильге қысым көрсетуге шақырды.
Хамастың әскери қанаты Иззеддин әл-Кассам бригадасы 7 қазан күні Израильге «Ақса топаны» деп аталатын ауқымды бір шабуыл жасағанын хабарлады.
Бұған жауап ретінде Израиль армиясы соғыс ұшақтарымен Газа секторына қарсы «Темір қылыштар» операциясын бастағанын жариялады.
Ұқсас жаңалықтар
Газа секторында қаза тапқандар саны 34 мың 454-ке жетті
Израильдің Газа секторындағы шабуылдарда соңғы 24 сағатта 66 палестиналық қаза тапты.
С.Корея басшысы халық армиясының 92-ші жылдығында үн қатты
Ким Чен Ын жауынгерлік қабілетін арттыру үшін офицерлерді көбірек оқыту керектігін білдірді.