Украина азат етілген жерлер туралы мәлімдеді
Маляр әлеуметтік желідегі парақшасында оңтүстік және шығыс майдандардағы жағдайға баға берді.
Украина Қорғаныс министрінің орынбасары Анна Маляр армия қарсы шабуылды бастаған маусым айының басынан бері жалпы 210,5 шаршы шақырым аумақты азат еткенін хабарлады.
Маляр әлеуметтік желідегі парақшасында оңтүстік және шығыс майдандардағы жағдайға баға берді.
Украина Қорғаныс күштерінің оңтүстікте Мелитополь және Бердянск бағытында шабуыл әрекеттерін жалғастырып жатқанын айтқан Маляр украин әскерлерінің Макаривка-Старомайоркс, Новодаривка-Приютне, Мала Токмакка-Новопокровка, Пятихатки-Грозове бағыттарында табысты болғанын білдірді.
Украина армиясының соңғы аптада қорғаныс шебінен орыстар орналасқан тереңдікке дейін ілгерілегенін атап көрсеткен Маляр «(Оңтүстікте) соңғы аптада азат етілген аумақ 10,9 шаршы километрге жетті» деді.
10-16 шілде күндері Таврия бағытында орыстарға тиесілі 134 қару-жарақ пен құрал-жабдық, 36 оқ-дәрі, 2 жанармай цистернасы, кейбір көліктер мен жүйелер жойылғанын айтқан Маляр 50 орыс әскерінің тұтқынға алынғанын хабарлады.
