Эвтаназия жобасы қабылданбады
Өзіне-өзі қол жұмсаудың алдын алуға бағытталған шаралар кешенін қамтитын ұсыныс болса қабылданды.
Германияда эвтаназияны заңдастыру үшін дайындалған екі бөлек заң жобасын парламент қабылдамады.
Екі түрлі парламенттік топ дайындап, Бундестагта талқыланған заң жобасы кворум жинай алмады.
Заң жобалары 18 жастан асқан адамдардың ауыр, емделмейтін немесе төзгісіз ауру кезінде медициналық көмекке жүгіну арқылы өмірін тоқтату құқығын қамтиды.
Аталмыш заң жобалары қабылданбағаннан кейін ұсынылған және өзіне-өзі қол жұмсаудың алдын алуға бағытталған шаралар кешенін қамтитын ұсыныс болса қабылданды. Ұсынысқа сәйкес, суицидтік ойлары бар адамдар мен олардың туыстарына бір телефон нөмірі арқылы тәуліктің кез келген уақытында онлайн режимінде білімді адамдармен байланысуға мүмкіндік беретін қызметті ұсыну бойынша жоба басталады.
2020 жылы қабылданған шешімде Конституциялық сот эвтаназияның адам құқығы екенін және конституциямен үйлесетінін айтып, Бундестагтан өз өлімі туралы шешім қабылдау мүмкіндігі туралы мәселені түсіндіруді және құқықтық негіз құруды сұраған болатын.
Германияда «пассивті эвтаназия» деп аталатын тәжірибе арқылы өмір сүруден үмітін үзген немесе жазылмайтын дертке шалдыққан адамдарды өз еркімен емдеуді тоқтатуға болады.
Ұқсас жаңалықтар
Газа секторында қаза тапқандар саны 34 мың 454-ке жетті
Израильдің Газа секторындағы шабуылдарда соңғы 24 сағатта 66 палестиналық қаза тапты.
С.Корея басшысы халық армиясының 92-ші жылдығында үн қатты
Ким Чен Ын жауынгерлік қабілетін арттыру үшін офицерлерді көбірек оқыту керектігін білдірді.