Сербияда тағы бір қарулы шабуыл жасалды
Сербиядағы шабуылдан 8 адам қаза тауып, 13 адам жараланған.
1982875
![Сербияда тағы бір қарулы шабуыл жасалды](http://cdn.trt.net.tr/images/xlarge/rectangle/4675/3557/592e/645495abcbf07.jpg?time=1719103769)
Сербияда бір мектепке жасалған шабуылда 9 адам қаза тапқан. Ал кеше тағы бір қарулы шабуыл болды.
Ел астанасы Белградқа жақын орналасқан Младенвац қаласында 21 жастағы жігіт жүріп келе жатқан көліктен айналасындағы адамдарға оқ жаудырған.
Алдын ала мәлімет бойынша, шабуылдан 8 адам қаза тауып, 13 адам жараланған.
Шабуыл жасаушы сол көлікпен қашып кеткен. Аймаққа көптеген полиция тобы жөнелтілді.
Шабуылшыны табу үшін тікұшақтар мен ұшқышсыз әуе аппараттарын қамтитын операция басталды.
Сербия Ішкі істер министрі Братислав Гасич оқиғаны «террорлық оқиға» деп атады.
Жеке қарулану жиі кездесетін Сербияда сәрсенбі күні 13 жастағы шабуылшы мектепке шабуыл жасап, 8 оқушы мен бір күзетшіні өлтірді.