Шығыс елдерінде коронавирус
Үндістанда соңғы бір тәулікте 941 адам қайтыс болды.
![Шығыс елдерінде коронавирус](http://cdn.trt.net.tr/images/xlarge/rectangle/10e6/5661/fd43/5f3a31f7b0f2b.jpg?time=1719162663)
Әлем көлемінде коронавирус салдарынан қайтыс болғандардың саны 773 мың 122-ге жетті. Оқиға саны 21 миллион 829 мыңнан, сауығып кеткендер саны 14 миллион 565 мың 255-тен асты.
Коронавирус эпидемиясынан ең көп зиян шеккен үшінші ел Үндістанда соңғы бір тәулікте 941 адам қайтыс болды. Осылайша жалпы өлім-жітім 51 мың 59ға жетті. Вирус жұқтырған адам саны да 2 миллион 648 мың 353-ке жетті.
Африка құрлығында эпидемиядан қайтыс болғандар саны соңғы бір тәулікте 295 артты. Барлығы 25 мың 678-ге жетті. Вирус жұққан адам саны 9 мың 999 артты, барлық саны 1 миллион 123 мың 142-ге жетті.
Бүгінге дейін коронавирустан ең көп өлім-жітім 11 мың 839 адаммен Оңтүстік Африкада, 5 мың 160 адаммен Мысыр және 1 370 адаммен Алжирде тіркелді.
Шығыс Африка елдерінің бірі Кенияда қазірге дейін ковидтен қайтыс болғандардың саны 474-ке, вирус жұққан адам саны 30 мың 120-ға жетті.