Иран: "Соғыстан қорықпаймыз"
Қолбасшы Селами: "АҚШ табыссыз болған барлық жерде Иранды жазғырады" деді.
Иран Төңкеріс қорғаушылары армиясының Бас қолбасшысы Хусейн Селами елді соғысқа итермелемейтінін, алайда соғыстан да қорықпайтындарын айтты.
Иранның жаңа ресми хабар агенттігі Теснимнің хабарына қарағанда Ахваз қаласындағы іс-шарада сөйлеген Селами Ирактағы оқиғаларға байланысты Иран мен АҚШ арасында шыққан дағдарысты бағаландырды.
АҚШ-тың Ирактағы оқиғаларға Иранды жауапкер деп қараған жазғыруларына меңзеген Селами:
АҚШ табыссыз болған барлық жерде Иранды жазғырады" деді.
Селами АҚШ-пен соғыс алаңдарына байланысты:
"Елді соғысқа итермелемейміз, алайда ешқандай соғыстан да қорықпаймыз. АҚШ-қа Иран халқымен ақылға сыйымды сөйлесуі керектігін айтудамыз" деп көрсетті.
Ирактың Керкук қаласындағы коалиция күштеріне 27 желтоқсанда жасалған шабуылда бір АҚШ азаматы қаза тапқан, 4 Американ және 2 Ирак әскері жараланған болатын.
Оқиғаға орай АҚШ Қорғаныс министрлігі шабуылға жауапкер деп қаралған Хизбуллах ұйымына қарасты Ирак пен Сириядағы 5 нысананы атқанын хабарлаған. Шабуылдарда 28 кісінің қаза тапқанын, 48 кісінің жараланғанын жариялаған.
АҚШ шабуылдарын протест еткен жүздеген адам сейсенбі күні Бағдаттағы АҚШ елшілігіне кіріп ғимаратты зақымдаған болатын.