Медициналық орталықтарға шабуыл артты

Дүниежүзілік Денсаулық ұйымы Ливияда медициналық орталықтарға шабуыл артқанын айтып ескертті.

Халықаралық ұйымнан келген жазбаша хабарламада Ливияда 2018-2018 жылдары медициналық қызметкерлер мен базаларды нысанаға алған 41-ден көп шабуыл тіркелгені атап көрсетілді.

Осы шабуылдарда медицина саласының 6 қызметкері мен науқас қаза тауып, 25 қызметкер жарақат алды. Осы кезеңде 7 медициналық қызметкер де шабуылға ұшырады.

Елде осындай шабуылдар мен қақтығыстар ортасында жедел медициналық көмекке мұқтаж мыңдаған адам медициналық қызметтен мақұрым қалуда.

Ливияда саяси дағдарыс салдарынан медициналық орталықтардың 75 пайызы жабылып қалған немесе ішінара қызмет беруде.

Дүниежүзілік Денсаулық ұйымының Ливиядағы өкілі Сейид Хүсейін елде шайқасып жатқан барлық тараптарды медициналық қызметкерлер мен базаларға шабуылдауды тоқтатуға шақырды.

«Бұл – халықаралық құқықты бұзу. Гуманитарлық құндылықтарға сатқындық» деді ол.