Газадағы жағдай өте ауыр

Николай Младенов «Газа жарылуда. Бұл жалған емес, шындық жағдай» деді.

Біріккен Ұлттар Ұйымы Орташығыс бейбітшілік процесі арнайы координаторы Николай Младенов Израиль қысымы астындағы Газада гуманитарлық жағдайдың барған сайын қиындасқанына назар аударып, «Газа жарылуда. Бұл жалған емес, шындық жағдай» деді.

Біріккен Ұлттар Ұйымы Қауіпсіздік Кеңесіне Палестина жөнінде видео көрініс арқылы мағлұмат берген Младенов Газадағы жағдайдың күн сайын қиындасқанына тоқталып, «Газада қырғын бар» деген ескерту жасады.

Әлем Банкінің санақтарына қарағанда Газада жұмыссыздық деңгейддің 53 пайызға жеткеніне және палестиналық жастардың 70 пайызының жұмыссыз екеніне назар аударған Младенов әр екі адамның біреуінің кедей болғанын айтты.