Иран Солтүстік Иракты зеңбіректермен атқылады

Иран армиясы Ирак Күрд Аймақтық Әкімшілігінің Эрбиль қаласына қарасты Сидекан ауданындағы таулық аймақтарды зеңбіректермен атқылады.

Иран-Күрдістан Демократиялық Партиясы (İKDP) мәлімдемесінде Иран армиясына қарасты зеңбірек жасақтарының Эрбиль-Иран шекарасындағы Сакар мен Бербезин тауларына қоныстанған партия лагерлерін нысанаға алғанын білдірді.

Мәлімдемеде зеңбірек шабуылдарының кезкелген бір шығынға жол ашпағаны атап көрсетілді.

Иран күштерінің 8 қыркүйек күні Эрбильде жұмыс істейтін Иран-Күрдістан Демократиялық Партиясына тиесілі лагерлерге бағытталған шабуылында араларында жоғары лауазымды тұлғалар да бар Иран-Күрдістан Демократиялық Партиясына мүше 16 адам қаза тапқан, 40 адам жарақат алған болатын.

Иран тарапынан террор ұйымы ретінде қабылданған Иран-Күрдістан Демократиялық Партиясы елден шегінген 1991 жылдан бері Күрдістан Демократиялық Партиясы мен Күрдістан Отан сүйгіштер партиясы өздеріне берген лагерлерде өмір сүреді.