Үндістандағы сел апатында қаза тапқан адам саны 44-ке ұласты
Үндістанның Керала провинциясында сел апаты салдарынан қаза тапқан адам саны 44-ке ұласты.
1033206
![Үндістандағы сел апатында қаза тапқан адам саны 44-ке ұласты](http://cdn.trt.net.tr/images/xlarge/rectangle/6140/cd8b/11e6/5b5ffe0e698c8.jpg?time=1719131871)
Үндістанның Керала провинциясында сел апаты салдарынан қаза тапқан адам саны 44-ке ұласты.
Үндістанның баспасөзінде орын алған хабарларға қарағанда тоқтаусыз жауын-шашын салдарынан бөгеттер мен өзендерде су тасып кетті. Негізгі жолдар бұзылды және көпірлер құлады. Сел апаты кесірінен Керала провинциясында 8 тамыздан осы таңға дейін 44 адам опат болды.
35 мыңнан аса тұрғын қауіпсіз жерге көшірілді. Деректерге қарағанда, табиғат апатынан Керала, Уттар-Прадеш, Батыс Бенгалия және Махараштра провинциясы көп зардап шеккен. Бұл өңірлерде нөсер мен су тасқынынан жүзден астам тұрғын көз жұмды.
Үндістанда жаңбырлы маусым басталғалы 770 адам опат болды. Тағы 30-дан астам адам ұшты-күйлі жоғалып кетті.