Қытай бір жақты санкцияларға қарсы екенін білдірді

Қытай қандай себеппен болса да бір жақты санкцияларға қарсы екенін білдірді.

Қытай сыртқы істер министрлігі баспасөз хатшысы Лу Канг Америка Құрама Штаттары сенатының Ресей, Солтүстік Корея және Иранға бағытталған санкция шешімі жөнінде көзқарас білдірді.

Барлық елдердің проблемаларын достық әдіспен шешуі керектігін айтқан Лу Қытайдың бір жақты санкцияларға қарсы екенін атап көрсетті.

«Оқиғаларға мән беріп, жіті қадағалап отырмыз.  Қытай әрқашан елдер арасындағы барлық келіспеушіліктердің келісім арқылы шешілуін қалайды» деді ол.