Операцияда бір АҚШ әскері қаза тапты
ДАИШ-ке қарсы жүргізілген операцияда бір АҚШ әскері қаза тапты.
Ирактың Мосул қаласында террор ұйымы ДАИШ-ке қарсы жүргізілген операцияда бір АҚШ әскері қаза тапты.
АҚШ орталық күштер қолбасшылығы CENTCOM Солтүстік Иракта қолдан жасалған бір жарылғыштың жарылуы кесірінен бір АҚШ әскерінің өлгенін жариялады.
Операцияның 2-ші толқыны Мосул бөгеті, Ешги, Тиликоф және Невера аймақтарында жалғасуда.
Фахилие аймағында болса бүгін кең көлемді бір операция басталатыны білдірілуде.
Пешмерга Баспасөз және информация мекемесі төрағасы Халгурт Хикмет ТРТ-ге берген сұхбатында жоспарлардың орындалып жатқанын айтты.
Хикмет 2-ші толқын операциясы нысанының 20 елді мекенді ДАИШ-тен құтқару болғанын баяндады.
Мосулды террор ұйымы ДАИШ-тен азат ету үшін Ирак армиясы, Пешмерга күштері және түрік әскерлері білім берген Нинова жауынгерлері 17 қазан күні операция бастаған еді.
