Германия түріктерге қарсы армян қауесеттерін қабылдауға дайындалады

Германияда Федеральды Мәжілісінің 1915 жылғы оқиғалармен байланысты армян қауесеттерін күн тәртіпке алуы Берлинде елде өмір сүрген түріктер тарапынан протест етілді.

Түрік азаматтық қоғамдары ұйымдастырылған шеру «Potsdamer Platz» алаңында жиналған мыңдаған адам тарапынан Wilhelmstrasse даңғылындағы Федеральды Мәжіліс ғимаратының маңындағы тарихи Брандербургер есігіне дейін жалғасты.

Түрік, неміс, Әзірбайжан және Шығыс Түркістан байрақтарын көтерген ереуілшілер «Қырғын жасаған жоқпыз, отанымызды қорғадық» және «Көп жаса Түркия» деген ұрандар тастады.

Ереуілшілер «Федеральды Мәжіліс жауапкер емес», «Неміс Мәжілісі нәсілшілдік қылмысы жасама!», «Неміс Мәжілісі сот емес», «Түрік дұшпандығына қарсымыз», «Саясат қайраткерлері сот төрешісі емес», «Жауапкері емессің түрік-неміс достығына зиян келтірме» деп жазылған плакаттар көтерді.

Брандербург есігі алдында шәйіттерді еске алып, ұлттық ән-ұран оқылды.

Түрік-Әзірбайжан Одағы төрағасы Хаккы Кескин неміс Мәжілісінде 1915 жылғы 2 маусым күнгі оқиғалар жайлы бір шешім қабылданатындығын еске салып, «Парламентшілер, депутаттар және үкіметтер шешім қабылдай алмайды. Бұған жауапкершіліктері жоқ. Бұл жаланы қабылдамаймыз» деді.

Бейбітшілік үшін келіссөз қоғамы төрағасы Али Сөйлемезоғлу болса, Доғу Перинчек ашқан сотта қазан айында Еуропадағы адам құқықтары сотының аса маңызды бір шешім қабылдағанын еске салып, «Соттың шешімінде ‘Түріктер қырғын жасады ма, жасамады ма бұған парламентшілер шешім қабылдай алмайды’ деп жазады. Міне біз де осыған сүйеніп, Федеральды Германия парламенті өзіне тиесілі болмаған, жауапкершілігі жоқ тақырыптарда шешім қабылдауға ниеттенеді» деді.

Үкімет дайындаған және оппозициялық партиялар қолдау берген армян қауесеттері орын алған заң жобасының 2 маусым күні Мәжілістен өтуі күтіледі.

Жобада 1915 жылы қоныс аударулар кезінде шыққан оқиғалар «қырғын» деп алға тартылады. Неміс Мәжілісінің қырғынды тануы мойындамауды да «қылмыс» деп санайтын болады.

Бұдан былай «Түріктер қырғын жасамады» деу қылмысқа саналады. Мектеп бағдарламаларына армян қауесеттерінің енгізілуі де түріктердің уайыммын арттырады.